Сақалдының қолынан қаза тапқан зейнеткер. Жамағаттың криминалдануы және ксенофобия

Жуырда Атырау қаласында көлігін сырып кеткен зейнеткерді көлік жүргізушісі ұрып өлтірді.

Қаладағы базарлардың бірінде "Газель" көлігін мінген Амандық Сағынғалиев есімді зейнеткер Мұхтар Ахмедов деген азаматтың "Мерседес" көлігінің есігін сырып кеткен. Әлеуметтік желіде тараған видео мен ақпаратқа сенсек, "Мерседес" иесі әлі жасы 40-қа толмаған азамат, ал "Газель" иесі (марқұм) жасы 70-ке таяп қалған егде кісі.
Видеодан көргеніміздей, "Газель" жүргізушісі қанша соққы тисе де жауап қатпайды. Алайда, ол өзінен көп жас кіші азаматтың соңғы ауыр соққысынан кейін есін жия алмай, артынан қайтыс болған.

Полицияның мәлімдеуінше, аталған дерек бойынша қылмыстық іс қозғалып, күдікті қамауға алынды.

Көп ұзамай желіде қылмыс жасаған азаматтың суреті жарияланды. Көпшілік оның радикал ағым өкілі екенін айтып, "лаңкестік әрекетке" теңестіріп, айыптап жатты.

ХАЛЫҚ ҮНІ тілшісі сөйлескен сарапшылар "қоғамның бір бөлігінің радикалдануына не түрткі болды?" деген сұраққа жауап берді. Сонымен қатар радикалданудан терроризмге дейінгі жолды Қазақстан қоғамы қазір қалай қабылдайтыны жайлы атап өтті. Зерттеуші Серік Бейсембаев адамның сыртқы келбетіне қарап белгілі бір ағым өкілі деп бағалауды өркениетті қоғамға тән емес деп есептейді. Сарапшы Атыраудағы кісі өлтірген жергілікті тұрғынның діни сеніміне емес, оның жасаған қылмыстық әрекетіне назар аудару керегін айтады.

Тайм код:
0:00 Анонс
2:50 Адамның діни сеніміне емес, қылмыстық әрекетіне баға беру керек
4:38 Билік экстремизммен күресеміз деп қолдан жау жасап алды
07:47 Ермұрат Бапидің бастамасы неге қауіпті?
09:38 Діни киімге тыйым салу репрессияны күшейтеді
10:52 Діни жамағаттар арасына көше бұзақылары мен қылмыстық топтар ене бастады
14:24 Атыраудағы жағдай және бұрмаланған діни интерпретация
15:49 Радикалдану себептері және одан шығу жолдары
19:32 Күллі мұсылманды қылмыскер көретін топтар бар
20:00 Адамды діни бостандығынан шектеудің арты терроризмге ұласады