Спорт саласының үздіктері марапатталды

11 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 27, 2026

Спорт саласының үздіктері марапатталды

Тамыз айының үшінші жексенбісінде аталып өтетін Спорт күніне орай Атыраудың спорт саласына үлес қосқан бірқатар азамат марапатталды,- деп хабарлайды Өңірлік коммуникациялар қызметі.

Марапаттау рәсімінде Атырау облысы әкімінің орынбасары Дарын Шамұратов спорт саласының мамандарын құттықтады.

- Спорт - ел мерейін асырып, көк Туымызды әлемдік додаларда биіктететін үлкен күш. Оның жетістіктерінің артында спортқа жылдарын арнаған ардагерлердің еңбегі, бапкерлердің табандылығы мен спортшылардың қажыр-қайраты тұр. Бүгінгі марапат - сіздердің спортты дамытуға қосқан үлестеріңіз бен ел спортына сіңірген еңбектеріңізге көрсетілген құрмет», - деді Д. Шамұратов.

Салтанатты жиында спорт саласының мамандарына үш төсбелгі, екі құрметті атақ және Қазақстан Республикасы Туризм және спорт министрінің Құрмет грамотасы табысталды.

Атап айтқанда, «Еңбек ардагері” төсбелгісі Бокс спортынан спорт ардагері Ерболат Бисекеновке, «Қазақстан Республикасының дене шынықтыру мен спортты дамытуға сіңірген еңбегі үшін» төсбелгісі ұлттық спорт түрлерінен спорттық клубының тоғызқұмалақтан жаттықтырушысы Құрманбай Әшетовке, Муайтайдан спорт федерациясының президенті Нұрберен Әміржановқа және «Қазақстан Республикасының спорт саласының үздігі» төсбелгісі мүгедектер спорттық клубының сурдодзюдо бөлімшесінің жаттықтырушысы Ерсін Болатовқа берілді.

ММА жаттықтырушысы Мерей Каштенбай «Қазақстан Республикасының еңбек сіңірген жаттықтырушысы», ал Мүгедектер спорттық клубының паратаэквондо бөлімінің спортшысы Нұрлан Домбаев «Қазақстан Республикасының еңбек сіңірген спортшысы» атағына ие болды.

Ал ҚР Туризм және спорт министрінің Құрмет грамотасымен Олимпиадалық резерв даярлау орталығының директоры Рашид Құлбаев, Олимпиадалық спорт түрлері бойынша спорттық клубы директорының орынбасары Саят Тәжіғұлов және Қызылқоға балалар-жасөспірімдер спорт мектебінің қазақ күресі бөлімшесінің жаттықтырушысы Жандос Тілекбаев марапатталды.

______________________________