Суда қалған Құлсары: қираған үй, бүлінген жиһаз, жоғалған малдың шығыны қалай өтеледі?

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Құлсарыда қарғын судың қарқыны бәсеңдегенмен төтенше жағдай режимі әлі сақталып тұр. Бар жиғанынан бір күнде айырылған жұрт кешелі бері әкімдік алдында базынасын айтып байбалам салуда. Көңілі пәс көптің талабы бір. Жиналған көмек талауға түспесін, шашауы шықпай шаруаға жұмсалсын дейді. Қираған үй, бүлінген жиһаз, жоғалған малдың шығыны қалай өтелмек? Әріптесім Нұрадин Рақай тұрғындардың талабына құлақ түрді.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Бар назарды бұрғызған бір тасқынның зардабы мың батпан. Біреу үйсіз, біреу күйсіз, біреу дымсыз тығырыққа тірелген талай тағдыр бар. Бүтіні бүлініп, болашағы бұлыңғыр болған құлсарылықтар кешелі бері әкімдікке ендігі әрекеттің бағытын білмекке топ-тобымен келіп, сұрау салып жүр.
Зардабын айтып зар жылап, жағдайын айтып жыларман болған жұрт құрылар комиссияның құрамында тұрғындардың болуын талап етті. Баспанасы болғанымен құжаты жоқ, жоғалғаны болғанымен дәлелі жоқ тұрғындар далада қалмасын дейді. Ал әкімдіктегілер берілер көмектің, қабылданар шешімнің тоқ етерін арнайы комиссия анықтайды дейді.
ГҮЛНАФИС АЙШУАҚОВА, ЖЫлыой ауданы әкімінің орынбасары:
– Су басқан үйлерге бір реттік көмек беру қарастырылуда. Қазір тиісті жұмыстар атқарылуда. Бір реттік көмектің мөлшері арнайы комиссиямен айқындалатын болады. Судың деңгейі түскені байқалады. Дегенмен де Жылыойда төтенше жағдай режимі түсірілген жоқ.
Айта кетейік тасқыннан соң іс-түссіз кеткен әкелі-баладан әлі хабар жоқ. Құтқарушылар кеше өлген адамның денесін тапқан. Белгілі болғандай бұл мәйіт су шайған қорымдардан ағып келген екен. Жем өзенінен су мөлшері азайғаны байқалады. Дегенмен ағыс әлі бар. Қазір бөгеттерді бекітіп, Каспий теңізіне бұруға күш жұмылдырылған. Бүгін бұл орынға Димаш Құдайберген келіп, жұртпен бірге екенін білдірді.
Алты күннен бері ағын сумен арпалысқан құлсарылықтардың әбігері әлі басылар емес. Келген шығынды көрген түстей ұмытқанша, президент тапсырмасы күн тәртібінен түспесе екен деп тілейді.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық