Сыныптастары жезөкшелікке салды деген 16 жастағы қыздың анасы жаға ұстатарлық ақпараттармен бөлісті

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Қызылордада сыныптастары мәжбүрлеп жезөкшелікке салды деген 16 жастағы қыздың анасы жаға ұстатарлық ақпараттармен бөлісті. Айтуынша, құрбылары қаршадай қызды алты ай бойы қорқытып, ұрып-соққан. Содан соң достары қызымды интимдік қызмет көрсететін сайтқа тіркеп тәнін саудалатқан дейді. Одан түскен табысты өздері қалталарына басып келген деп отыр. Ал ұзақ уақыт бойы құрбыларынан қорлық көрген жеткіншектің жағдайынан анасы неге хабарсыз болған? Күдіктілердің үй қамаққа жіберілгені рас па? Жәбірленуші тарап неден қауіптенеді? Абай Нұржанұлы тарқатып айтсын.
Жарты жыл бойы достарының қорлығына шыдап келді делінген қаршадай қыздың анасы бүгін бет-жүзін жасырып, журналистерге онлайн сұхбат берді. Әйелдің айтуынша, сыныптастары о баста қыздың жалаңаш суретін жариялаймыз деп ақша бопсалап келген. Кейін қорқыту арқылы жеткіншекті жеңіл жүрісті қыздардың сайтында жарнамалап, тәнін саудалауға мәжбүрлеген дейді.
ЖӘБІРЛЕНУШІ, қыздың анасы:
- Қызымның айтуы бойынша оны кейде екі тәулік бойы жезөкшелікпен айналысуға мәжбүрлеген. Ал одан түскен ақшаны өздерінің банк шоттарына аудартып келген. Аударымдардың түбіртегі әлі сақтаулы. Айтылған уақытта ақша жібермесе, қызымды ұрып-соққан. Қызымның үйге қонбай жүргенін мектептегілерге айтқанымда, ондағылар шағымдана берсеңіз сізді ана құқығынан айырамыз деп қорқытты.
Анасының сөзінше әбден қорқып қалған бойжеткен қорлық көріп жүргенін жақындарына айта алмаған. Оның үстіне полицейлер де о баста арызымды қабылдамай келді дейді. Ал сұмдық жағдай жария болған соң ғана полицейлер “кәмелетке толмағандарды жезөкшелікпен айналысуға тарту” бабымен іс қозғаған. Оған күдікті ретінде екі қыз бен ер бала үй қамаққа алынған.
ГҮЛАЙХАН ТҰРСЫМАНОВА, қорғаушы:
- Қыздың қазіргі жағдайы ауыр. Бірақ ол сонда да басынан өткен жайды айтып берді. Біз қазір барлық дәлелдерді жинақтап жатырмыз. Сондай-ақ, соттың күдіктілерді үй қамаққа алуға байланысты қаулысына апелляциялық арыз түсірдік.
Полиция департаментіндегілер әйелдің арызым қабылданбай келді деген сөзін жоққа шығарады. Сондай-ақ, күдікті жеткіншектерден бөлек, олардың ата-аналары да тергеліп жатқанын мәлімдеді.
- Жәбірленуші тарап 6 ай көлемінде құқық қорғау органдарына шағымданбаған. Қазір іс бойынша тиісті сараптамалар тағайындалып, істің мән-жайы жан-жақты, толық және объективті түрде жүргізілуде. Кәмелетке толмаған адамды тәрбиелеу жөнiндегi мiндеттердi ата-анасының орындамауына байланысты күдіктілердің ата-аналарына қатысты қылмыстық іс тіркеліп, тергеп-тексеру жұмыстары жүргізілуде.
ҚЫЗЫЛОРДА ОБЛЫСТЫҚ, полиция департаментінің баспасөз қызметі:
- Жәбірленуші тарап күдікке ілінген жасөспірімдер сотқа дейін қамауға алынып, тергелуін талап етеді. Өйткені онсыз да үрейленіп қалған 16 жастағы қызға құрбылары тағы да қысым жасай ма деп қауіптенеді.
Абай Нұржанұлы, Информбюро.
----------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық