Сүйінші, Қазақстан халқы 20 миллионға жетті!

Қазақстан халқы 20 миллионға жетті. Және бірден бес сәби еліміздің 20 миллионыншы тұрғындары болып тіркелді. Нәрестелер Ұлытау, Жетісу, Атырау, Ақмола және Түркістан облыстарында 14 қараша күні таңғы сағат 8:10-да дүниеге келген. Балалардың үшеуі – ұл, екеуі қыз. Олардың әрқайсысына «Отбасы банкі» 2 миллион теңгеден қаржы бөлді. Ата-аналар қаражатты баспана алудың алғашқы қадамы ретінде қолдана алады. Еліміз үшін сүйінші жаңалықты "Информбюроның" аймақтағы тілшілері жеткізеді. Әріптестер, сөз өздеріңізде!
АЙГҮЛ МЫРЗАҒАЛИҚЫЗЫ, тілші:
– Еліміздің бес облысында бір уақытта туған сәбилер тек ата-аналарын ғана емес, барша қазақстандықтарды қуантты. 20 миллионыншы тұрғын атанған бес баланың біреуі Ақмола облысы Щучинск қаласында дүниеге келді. Ясина есімді қыз Исеновтар отбасындағы екінші бала. Нәрестенің әкесі – энергетика саласының маманы, анасы – бастауыш сыныптың мұғалімі.
ДИНАРА КАРЕНКИНА, 20 миллионыншы тұрғынның анасы:
– Дәрігерлерге алғысым шексіз. Бала 4 кг 114 г болып дүниеге келді. Бойы 57 см. Барлығы жақсы.
АЙГҮЛ МЫРЗАҒАЛИҚЫЗЫ, ТІЛШІ:
Ақ халаттылар жас ана жеңіл босанғанын айтады. Жұлдыз, ал Атырау облысында дүниеге келген сәбидің жағдайы қалай?
ЖҰЛДЫЗ ТЛЕУХАН, ТІЛШІ:
– Атырау облысында өмірге келген кішкентай ұл мен анасының денсаулығы жақсы. 20 миллиноныншы болып туған батырдың есімі- Мұхаммад. Ол үйдің тұңғыш перзенті. Жас отбасы сәбилерін 4 жылдай күткендерін айтады. Баланың салмағы 3 келі. Бойы 54 см. Қуаныштары еселенген ата-ана ұлдарының 20 миллионыншы тұрғын атанғаны тосынсый болғанын жасырмайды.
БЕРІК ЖҰМАҒАЗИЕВ, 20 миллионыншы тұрғынның әкесі:
– Таңертең әлеуметтік желіде еліміздің 20 миллионыншы азаматы өмірге келді деген жаңалықты оқыдым. Іштей менің де ұлым осылардың қатарында ғой деп ойладым. Кейін дәл сол сәтте жұбайым хабарласып, қуанышты жаңалықпен бөлісті.
Жалпы Атырау облысында демографиялық ахуал жыл санап жақсарып келеді. Мәселен, биыл 14 мыңға жуық сәби дүниеге келген. Дәрігерлердің айтуынша, қыздарға қарағанда, ұлдар көп туған екен. Келесі сөз кезегін Қарағандылық әріптесіме беремін.
ДИАНА САПАРҚЫЗЫ, тілші:
20 миллионыншы сәбилердің бірі Жезқазған қаласында дүниеге келді. Томирис есімді қыз жас отбасының тұңғышы. Нәрестенің жағдайы қазір жақсы дейді дәрігерлер. 19 жастағы анасы - Әйгерім Молдашева жұмыссыз. Әкесі Сұңғат Сейітжан «Қазақмыс» корпорациясына қызмет көрсететін компанияда құтқарушы болып жұмыс істейді.
ӘЙГЕРІМ МОЛДАШЕВА, 20 миллионыншы тұрғынның анасы:
– Қобалжудамын. Әлі сенбей тұрмын шыны керек. Жолдасымыз екеуміз жиырма жастамыз. Жиырмасыншы региондамыз. Жалпы жиырмасыншы миллион тұрғының өмірге алып келгеніне өте қуаныштымыз.
ДИАНА САПАРҚЫЗЫ, тілші:
– Бұған қоса Жезқазғанда14 қарашада 6 қыз мен 4 ұл туған. Оларға шенеуніктер арнайы сыйлықтар табыстады. Назерке, сөз өзіңізде.
НАЗЕРКЕ ҮКІБАСОВА, тілші:
– Ал, Түркістан облысы Жетісай ауданында дүниеге келген бала үйіндегі төртінші перзент екен. Әлихан атын алған бөбектің әкесі жалдамалы жұмысшы болса, 35 жастағы анасы биология пәнінің мұғалімі болып жұмыс істейді.
ГҮЛМИРА ІЗТІЛЕУОВА, 20 Миллионыншы тұрғынның анасы:
– Атын Әлімхан деп атасы қойды. Хан болсын, ел басқаратын азамат болсын. Сол бәріміз қуаныштымыз. Күтіп отырмыз. 20 миллионыншы дегенде бәріміз қуандық қой.
НАЗЕРКЕ ҮКІБАСОВА, тілші:
– Жұлдызы жанған бесінші сәби болса жетісулық. Талдықорғанда дүниеге келген тұрғынның есімі - Айсұлтан. Нәресте Мұхтар мен Диананың төртінші баласы.
Айсұлтанның әкесі Мұхтар Әзімбаев Талдықорған әуе базасында қызмет етеді. Жігіт ағасы ұлды болғанын жұмыста жүріп естіген екен.
МҰХТАР ӘЗІМБАЕВ, 20 миллионыншы тұрғынның әкесі:
– Өмірімізде бұндай жағдай бірінші рет болып тұр. Өте қуаныштымын. Сене алмай тұрмын. Бұдан үлкен 2 ұлым бар. Оларды жұртына, еліне, ҚР қызмет етсін деп тәрбиелеймін.
НАЗЕРКЕ ҮКІБАСОВА, тілші:
– Халық санын тарихи межеге жеткізген балалардың туу туралы куәліктері де ерекше үлгіде болады. Сондай-ақ, шаңырағы шаттыққа бөленген бес сәбидің ата-анасына "Отбасы банкі" 2 миллион теңгенің сертификатын табыстады.






Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал