ТАЗА АУЫЗ СУ ЕЛ ИГІЛІГІНЕ БЕРІЛДІ

Мемлекет басшысы 2025 жылға дейін халықты 100 пайыз сапалы ауыз сумен қамтуды тапсырған болатын. Арал ауданында осы мақсатта ауқымды жобалар жүзеге асуда. Соның бірі Сапақ ауылдық округіне қарасты Көктем елді мекені жаңа жыл қарсаңында орталықтандырылған ауыз су желісіне қосылды.

ӘКІМЖАН ЖОЛТАЕВ-ТІЛШІ
\Көктем ауылының тұрғындары бұған дейін ауыз суды есік алдындағы су ұңғымасынан алып ішетін. Енді міне, Жаңа жыл қарсаңында елді мекен орталықтандырылған ауыз су желсіне қосылып, тұрғындар сапалы суға қол жеткізді \

Ауыл тұрғыны Айнагүл Ерболатованың қуанышында шек жоқ. Себебі үйінде ауыз су сарылдап ағып тұр. Тіпті, су жылытқыш та орнатып алыпты. Енді ол бұрынғыдай есік алдындағы ұңғымадан шелектеп су тасымайды.

АЙНАГҮЛ ЕРБОЛАТОВА – АУЫЛ ТҰРҒЫНЫ
\Бұрын жер асты суын ішетін едік. Одан кейін адамдар есік алдынан құдық қазып алып, су ішіп жүрген. Енді Сарыбұлақтың суы келіп, үйімізге кіріп жатыр. Сарыбұлақтың суымен ыдыс-аяғымызды жуып жатырмыз. Бұрынғыға қарағанда жұмысымыз жеңілдеп жатыр\

Көктемде қазіргі күні қырыққа жуық шаңырақ түтін түтетіп отыр. Барлық үйге су құбыры тартылып, тұрғындар тіршілік нәрімен толықтай қамтылды. Аудан әкімі Серік Сермағамбетов ауылға арнайы барып, Жаңа жыл қарсаңында жақсы жаңалықпен бөлісті.

СЕРІК СЕРМАҒАМБЕТОВ – АУДАН ӘКІМІ
\Осы суды өздеріңіз асыға күткен болатынсыздар. Мінекей, іске қосып отырмыз. Құланды елді мекенінде ауыз судан тапшылық көріп отырған оны да бір ай бұрын ауыз су тұщыту аппаратын орнаттық. Кішкентай Мойнақ елді мекенінің өзінен де 7-8 тұрғын үйге көңіл бөлініп, шахталық құдық қазылды... \

Мұнан бөлек келесі жылы аудан орталығынан шалғайда қоныс тепкен Ақбасты, Тоқабай елді мекендері орталықтандырылған ауыз су желісіне қосылады. Қазіргі уақытта құрылыс жұмыстары жүріп жатыр. Осылайша алдағы екі жылда Аралда ауыз су мәселесі толықтай шешімін таппақ.

Сайт - https://qyzylordatv.kz/ru/live
Facebook - https://www.facebook.com/qyzylordatv/
VK - https://vk.com/qyzylordatv
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/