ТАМШЫЛАТЫП СУАРУ ТЕХНОЛОГИЯСЫМЕН 3 МЫҢ ГЕКТАРҒА ЖҮГЕРІ ЕГІЛЕДІ

Аймақта тұңғыш рет тамшылатып суару технологиясымен 3 мың гектарға жүгері егіледі. Бұл жобаны «Таң ЛТД» серіктестігі қолға алған. Қазір қарт Қаратаудың бөктерінде қызу тірлік жүріп жатыр. Бұл жобаның барысы қалай? Тілшіміз Қозы Көрпеш Жасаралұлы тарқатады.
ҚОЗЫ КӨРПЕШ ЖАСАРАЛҰЛЫ – ТІЛШІ
Жүгеріні тамшылатып суару технологиясы аймақта алғаш рет өндіріске енгізіліп отыр. Мамандардың айтуынша, бұл аяқсуды 40 пайызға дейін үнемдеуге мүмкіндік береді. Қазір мұнда дайындық жұмыстары жүргізілуде. Алдағы он күнді мұнда жүгері дәні егілетін болады.
СӘКЕН ШАҒЫРТАЕВ – СЕРІКТЕСТІК ӨКІЛІ //Қытайлық мамандармен бірлесе отырып жасалып жатқан проекті. өнімділігі 25 пен 30 центнер арасында. Арнайы бассейін қазылды. Арнайы насос станциясы қойылды.
Бұл жоба негізі екі кезеңнен тұрады. Биыл 1 мың гектарға жүгері егілмек. Келер жылы 2 мың гектарға ұлғайту көзделіп отыр. Қазір егістік алқапта 70-ке жуық адам еңбекке жұмылған. Осындай тың жобаны іске асыруға жергілікті әкімдік тарапынан жан-жақты қолдау көрсетіліп жатыр.
АРДАҚ ЗЕБЕШЕВ – ОБЛЫС ӘКІМІНІҢ ОРЫНБАСАРЫ //Облыс әкімінің тапсырмасы бойынша электор қуатын әкеліп жатыр. оған 149 млн теңге бөлініп, электор қуаты келе жатыр. ол жақын арада қосылып, осы өндіріске бағытталатын болады.
Жүгерінің малазықтық дақыл ретінде маңызы зор. Жылына аймақта 500 гектарға дейін егіледі. Ал Қаратау бөктерінде басталған бұл жоба жүгеріні терең өңдеуге бағытталған.
ТАЛҒАТ ДҮЙСЕБАЕВ – ОБЛЫСТЫҚ АУЫЛ ШАРУАШЫЛЫҒЫ ЖӘНЕ ЖЕР ҚАТЫНАСТАРЫ БАСҚАРМАСЫНЫҢ БАСШЫСЫ //келешекте сушилка қойылады. Және консервілеу зауыты қойылады. Осы Бестау ауылының төңірегінде. Ол дегеніміз осы шаруашылық ғана емес, басқа шаруалар да жүгері егуге ынта болады. Себебі өнімді өткізетін жер бар. Ол өнімді экспорттауға жолдары әзірленген.
Өзегі өзенге байланған өңірде тіршілік нәрі тапшы. Сондықтан аймақта күріш көлемі қысқарып, суды аз қажет ететін дақылдарға ден қойылған. Биыл оның көлемін 4 мың гектарға дейін жеткізу жоспарланған.
Қозы Көрпеш Жасаралұлы, Санжар Мансұр «Қт», Шиелі ауданынан

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/