Тараз іргесіндегі тұрғындар тынысымыз тарылды деп шу шығарды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Тараз іргесіндегі тұрғындар тынысымыз тарылды деп шу шығарды. Көкталдықтар жағымсыз иістен емін-еркін тыныс алу мүмкін емес деп отыр. Айтуларынша, ауыл ішіндегі май өндіретін кәсіпорын ауаны ластап жатыр. Дем алу дерт табумен тең деген көп, өндіріс ошағын көшіруді талап етіп көшеге шықты.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Көктал ауылында қолы бос адам жоқ. Жұмыс бастылықтан емес. Мүңкіген иестен мұрнын жабудан қолдары босамайды. Бірақ өңештен өткен ауа өкпеден қалдырып, аңқыған иістен ауру саны артқан.
НҰРЖАМАЛ АГАНАСОВА, Көктал ауылының тұрғыны:
— Ауылдың ішінде май зауыт деген бола ма екен? Май зауытына рұқсат жоқ, бізден рұқсат сұраған жоқ жаңадан соғылып жатқан уақытта. Май шығарып жатқан уақытта иісі деген масқара енді. Денсаулыққа зиян балаларымыздың тамағы ауырады. Өзіміздің басымыз ауырады. Аллергия болып жатырмыз. Тамақтан, бронхыдан. Ауылдан көшірсін.
Осылайша дем алам деп дерт таптық деген елдің дабылына дәрігерлер де қосылады. Екінің бірі ентігіп, жағымсыз иістен жұрт жағдайы нашарлағанын жасырмайды.
ШАХИЗАДА САМАЛ, педиатр:
— Зауытқа жақын орналасқан тұрғындарымыз, әсіресе кішкентай балаларымыз педиатр ретінде айтам жиі ауырады. Айына 3-4 мәрте жылда ауыратын балалар 4-6 рет ауыратын болса бұл кісілер бір айда 2-3 рет обструктивті бронхитпен ауырады.
Алайда мұндағы жұрттың мұрны сезген иісті экологтар сезбепті. Үйлермен іргелес тұрған зауыт шемішке шикізатын сығып сұйық майын алған күні ауа кілегейленіп қалады деп күйінеді.
ГҮЛИЯШ ЖАЙЛАУБАЕВА, Көктал ауылының тұрғыны:
— Мына жердің ауасы прям басылып тұрады. Мүмкін емес. Фильтрлары жоқ-ау деймін наверно. Осы жақтан өте жағымсыз ауа шығады. Прям майдың иісі басылып тұрады былай. Тыныс тарылтады.
Көптің күдігі бекер емес екен. Кәсіпорын басшысы сүзгі қоюға қаржы мәселесі қолбайлау болып тұрғанын айтады. Қолаңса иістен тек іргелес тұрған бір-екі үйге қолайсыз жағдай туғыздық деп отыр. Сәл шыдаса саф ауа жұтатын жағдай жасаймыз деп сендіреді.
МАРАТ ЕСЕНБАЕВ, май зауытының өкілі:
— Россияның адамдарымен де, Қытайдың адамдарымен де неғылып жатырмыз. Бұған фильтр қоямыз деп отырмыз. Жаңағы ненің басына фильтр қойып, ауылдан былай кететіндей қылып. СКЛ Оны ойластырып жатырмыз шынын айтқанда. Бір момент болатын нәрсе емес қой. Оған да қаражат керек пәленбай.
Ашулы топқа араша түсе келген аудан басшылары екі оттың ортасында қалды. Елдің сөзін сөйлесе ауылдағы алып салық төлеушіден айырылады. Ал 40 адамды жұмыспен қамтып отырған компания мүддесін қозғаса көптің қарғысына қалады. Ендігі жерде ортақ шешімді арнайы құрылған комиссия анықтайды дейді.
ҚАНАТ ТЕЛЕУОВ, Байзақ аудандық кәсіпкерлік бөлімінің басшысы: — Өзіміз келеміз. Комисия құрамыз. Комиссиянның келіп кәсіпкердің өзін шақыртып, телефон нөмірі байланыстары бар бізде. Сөйтіп заңдылығының бәрін анықтаймыз.
Мұнда шемішке шикізатын сығып сұйық май құйылады. Бірақ дайын өнімді алу үшін 300 градус цельсийде қайнауы тиіс. Дәл осы процесте күллі ауыл күлімсі иіске тұншығады. Сондықтан тұрғындар сүзгі орнатпаса сотқа беруге бекініп отыр.
---------------------------------------------
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық