Тасқын кезінде төрт түліктері суға ағып кеткен шаруалар 6 айдан бері өтемақы ала алмай жүр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырау облысында жүздеген шаруа жарты жылдан бері өтемақыға қол жеткізе алмай жүр. Тасқын кезінде жылыжайлары су астында қалып, төрт түліктері ағып кеткен азаматтар мемлекеттен берілетін көмекті күте-күте төзіміміз таусылды деп отыр. Шығынға батып, шаруамыз тұралады деген тұрғындар талап-тілектерін тікелей аймақ басшысына айтпақ болды. Бірақ әкім наразы топтың жанайқайын тыңдаған жоқ. Оның орнына жауапты басқарманың өкілі шығып, өтемақы мәселесі жақында шешіледі деп сендірді.
Марат Ислямов жылдап баққан малынан бір-ақ күнде айырылып, су астында қалған қорасы босап қалған. Жайылымда шаруасын жайлауы тиіс азамат қазір әкімдіктің табалдырығын тоздырып жүр.
МАРАТ ИСЛЯМОВ, шаруа:
Қырық метр қорам болды, құлап қалды. Үйім тізеден суда тұрды. Қазір құлап жатыр. Әлі күнге дейін қыстағыма жете алмай жүрмін. Әлі күнге дейін далада жатырмыз. Қыстаққа келейік десек мүмкіндік жоқ.
Аймақта Мараттың кебін киген шаруалар көп. Төрт түлік пен егін арқылы жан бағып отырған атпалдай азаматтар тасқын кезінде барымыздан айырылып, шығын шырмауына маталдық деп шыр-пыр болды. Олар табиғи апаттан кейін өтемақы ала алмай, шаруамыз шатқаяқтады деп отыр.
БОЛАТ ТЕЛЕУБАЕВ, шаруа:
– Қора жайдың барлығы құлады. Жылыжайдың барлығын су басты. Төрт байталым тоғайдың ішінде қалып қойды. Өлі ме, жоқ па тіпті білмеймін. Комиссия келді, өскен талдарды санады. Жылыжайды қарады да, қораны қарамаймын, -деді. Осы уақытқа дейін үндемедік. Қыс келіп қалды. Енді не істейміз? Қайда барамыз? Кімге барамыз?
ЕРБОЛ ТОЙЛЫБАЕВ, шаруа:
– Бірнеше кездесулер өткізді. Ешқандай нәтиже жоқ. Біздің жанайқайымыз өтемақы төленген жоқ. Ештеңе сұраған жоқпыз. Әуелде «Өтемақы төленеді, ауылдық жерді аман алып қалуымыз» керек, - деді. Бізге өтемақы керек.
Облыстық әкімдіктің мәліметінше, Махамбет, Жылыой, Индер аудандарындағы топан судан кейін егін және мал шаруашылығы бойынша шығын көлемі 1 миллиард теңгеге жуықтаған. Арнайы құрылған комиссия есептеу жұмыстарын әлі аяқтамапты. Сондықтан шенеуніктер күтуден басқа амал жоқ дейді.
АЗАТ ҚАПАНОВ, Атырау облыстық ауыл шаруашылығы басқармасының бөлім басшысы:
– Зардап шеккен шаруаларға арнайы комиссия барып, зерделеуді жүргізіп, біздерге тізімді жібереді. Соған сәйкес жергілікті бюджеттен қаражат бөлініп, өтелетін болады. Ауыл шаруашылығы басқармасы тарапынан министрлікке тиісті органдарға хат жазылды.
Жарты жылдан бері есік қаға қажыдық деген шаруалар комиссия жұмысын жеделдетуді сұрайды. Себебі, мал азығын дайындап, жем-шөп жинау үшін қаражат керек. Оған қоса, бүлінген қыстақтарды қайта қалпына келтіру де оңай шаруа емес дейді шағымданушылар.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық