Теміртаудан — облысқа: Самат Кенжибаев облыстық денсаулық сақтау басқармасын басқарды

10 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель May 17, 2025

Теміртаудың Көпсалалы ауруханасының бұрынғы басшысы Самат Еңгібаевич Кенжибаев Қарағанды облысының денсаулық сақтау басқармасының басшысы болып тағайындалды. 30 жылдық тәжірибесі бар білікті дәрігер және басқарушы енді өңірдің медициналық саласын үйлестіретін болады.
Қарағанды облысының денсаулық сақтау саласында кадрлық өзгерістер орын алды. Басқарма тізгінін теміртаулықтарға жақсы таныс тұлға — Самат Кенжибаев ұстады. Жаңа қызметке дейін ол Теміртаудың Көпсалалы ауруханасын басқарған болатын.
Жаңа басшыны таныстыру рәсімі аппараттық жиында өтті. Облыс әкімі Ермағанбет Бөлекпаев Самат Еңгібаевичтің кәсібилігін және денсаулық сақтау жүйесінің мәселелерін терең түсінуін ерекше атап өтті.
Самат Кенжибаев медицинадағы еңбек жолын 1994 жылы Семей мемлекеттік медициналық институтының «Педиатрия» мамандығы бойынша тәмамдаған соң, анестезиолог-реаниматолог ретінде бастаған. Кейін ол Теміртаудағы туберкулезге қарсы диспансерде, Осакаров ауданының орталық аудандық ауруханасында және облыстық денсаулық сақтау басқармасында түрлі қызметтер атқарды. 2016 жылдан бастап осы күнге дейін Теміртаудың Көпсалалы ауруханасының директоры болып қызмет еткен.