Теміртаудағы жолдардың сапасын алғашқы қар тексерді

7 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 9, 2025

Алғашқы қар – жүргізушілерге де, коммуналдық қызметтерге де оңай сынақ емес. Теміртауда көшелердің жағдайы үздіксіз бақыланады. Қозғалыс қауіпсіздігі үшін жағдайды қалалық мекемелер мен полиция бірлесе қадағалауда.
Теміртау әкімдігінің баспасөз қызметінің ақпараты бойынша, мамандар күн сайын қаланы аралап, көшелер мен жаяу жолдардың жағдайын бағалайды. Мүмкін болатын кемшіліктердің қаншалықты жедел жойылып жатқанын тексереді. Көшелердегі қауіпсіздікті Теміртау қалалық полиция басқармасының қызметкерлері де қадағалайды – олар жолдардағы қозғалыс ережелерінің сақталуын бақылайды.
Сондай-ақ, Әкімдіктің хабарлауынша, қадағалау жұмыстары тоқтаусыз жүргізілуде: техниканың жолға шығу уақыты, жұмысшылар саны және қолданылған мұз еріткіш қоспаның көлемі тексеріліп отырады.
4 қараша күші, қала көшелерін тазалау мен қызмет көрсетуге 34 арнайы техника және 71 жұмыскер тартылды. Алғашқы қардың жолдарда кептелістер мен апаттарға себеп болмауы үшін жұмыстар үздіксіз тәулік бойы жалғасуда.
Коммуналдық қызметтер жағдайды бақылауда ұстауға уәде береді. Ал жүргізушілерден қашықтықты сақтауды және қыстың енді ғана басталатынын ұмытпауды сұрайды.