Теміртауда жаңа мешіт салынады

9 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Теміртаудың Ескі қалашығында тұңғыш мешіт салынуы мүмкін. Қала әкімдігі, мәслихат депутаттары және бастамашыл топтың өкілдері бірігіп, құрылысты жүргізуге қолайлы жер телімдерін қарастыруда. Неліктен дәл осы аудан таңдалды және бұл жергілікті тұрғындар үшін нені білдіреді — келесі сюжетте.
Қала әкімі Ғалым Ашимов, округ депутаты Алексей Ломакин және бастамашыл топтың өкілдері Ескі қалашық аумағында көшпелі жиын өткізді. Кездесудің басты тақырыбы — мешіт салу үшін жер телімін қарастыру. Жобаны жеке меценат қаржыландыруды көздеп отыр, алайда ол есімін жарияламауды өтінді. Жобаның жалпы құны шамамен 80 миллион теңгені құрайды. Ерекшелігі — мешіт бұл ауданда алғаш рет салынбақ.
Бұған дейін бұрынғы трамвай айналма жолының маңы қарастырылған болатын, алайда техникалық тексерістен кейін бұл жер құрылысқа жарамсыз деп танылды. Қазіргі таңда балама ретінде бұрынғы тікұшақ алаңының орны ұсынылуда. Мамандардың айтуынша, бұл жер телімі мешіт те, болашақта салынатын спорт кешені үшін де қолайлы.
Жер телімін таңдау бойынша түпкілікті шешім әлі қабылданған жоқ. Жақын арада тұрғындармен тағы бір кездесу өткізіліп, талқылау жалғасады. Депутат Алексей Ломакин бұл мәселеге қатысты тұрғындарды үнемі хабардар етіп отыратынын жеткізді.
Категория
Темиртау
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА