Теміртауда Ұлы Отан соғысының соңғы ардагерімен қоштасты

20 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 25, 2025

Оны тірі аңыз, тұтас дәуірдің символы деп атайтын. Теміртауда Ұлы Отан соғысының соңғы қатысушысы — Николай Семенович Куриленкомен қоштасты. Ардагердің рухына тағзым етуге қала тұрғындары, жастар, мәслихат депутаттары мен билік өкілдері жиналды.
Теміртау тұтас бір дәуірдің адамына соңғы құрметін көрсетті. 98 жасында Николай Семенович Куриленко өмірден озды. Ол — Теміртауда өмір сүрген Ұлы Отан соғысының соңғы ардагері еді. Онымен қоштасуға жергілікті атқарушы билік, мәслихат депутаттары, құқық қорғау органдарының қызметкерлері, жастар ұйымдары мен қала тұрғындары келді.
Қоштасу рәсімі «Феникс» ритуалдық агенттігінде өтті. Николай Семенович қалалық зиратқа жұбайының жанына жерленді — бұл оның тірі кезінде білдірген аманаты болатын.
Николай Куриленко — Ұлы Отан соғысының ардагері, Жеңіске үлкен үлес қосып, соғыстан кейін де қоғамдық өмірге белсене араласқан жан. Оның өмір жолы — бейбітшілікті жанқиярлықпен қорғаған халықтың ұлы шежіресінің бір бөлігі.
Самат Зияшев, Теміртау қаласы әкімінің орынбасары: «Николай Семеновичтің аты мәңгі есімізде қалады. Көптеген қиындықтан өтіп, осындай жасқа жетті, өкінішке қарай, өмірден озды. Әрқашан бұл кісінің көзінен күлкі кетпейтін».
Николай Семенович Куриленконың есімі Теміртау қаласының тарихында және алғысқа толы ұрпақтың жүрегінде мәңгі сақталады.