Теміртаулық тұрғын коммуналдық техника жұмысына наразы

8 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jul 22, 2025

Теміртауда қала тұрғыны коммуналдық қызметтің жұмысына шағымданды. Айтуынша, көше жуатын техника екі күн қатарынан оның көлігін лай сумен шашып кеткен. Автокөлік күн сайын таңғы уақытта жұмыс орны маңына қойылады, алайда техника күннің қызған шағында пайда болады. Толығырақ келесі материалда.

Реабилитациялық орталықта жұмыс істейтін Ирина соңғы күндері жұмысқа келген сайын көлігін танымай қалады. Таңертең тап-таза темір тұлпар, кешке — лай суға малынып тұрады. Айтуынша, көше жуатын техника екі күн қатарынан дәл жұмыс басталар шақта келіп, көліктерді былғап кеткен.
Теміртау қаласының тұрғыны: «Біз сағат 8-де жұмысқа кірісеміз. Кеше де, бүгін де таңертең көлігімді қойып, терезеден қарасам — көше жуатын көлік өтіп бара жатыр. Кешке шықсам — көлігімнің түрі адам шошырлық. Бір күн үндемедім, ал бүгін дәл сол жағдай қайталанды. Бұл өте ыңғайсыз. Мен мұнда көлігімді түнге қалдырмаймын, күн сайын 7:45-те келемін. Таңғы 5-6-да мұнда көлік болмайды. Сондықтан жұмыс уақыты басталмай тұрып неге су шашып үлгермейді? Қала басшылығы назар аударса екен деймін».
Редакция атынан ресми сұрау жолданды. Жауап берген мекеме өкілдері: көшелер таңғы 4-тен 9-ға дейін, ал аптап ыстық күндері түстен кейін де суарылады дейді. Бұл жағдайдан кейін жүргізушілермен түсіндіру жұмыстары жүргізіліп, тұрақ маңындағы су қысымын азайту тапсырылған. Ал аталған учаскеде — реабилитациялық орталық жанында — суару көлемі қысқартылатыны айтылды. Мәселе қайталанса, тұрғындарға тікелей тапсырыс беруші мекемеге — Теміртау қалалық тұрғын үй-коммуналдық шаруашылық бөліміне жүгіну ұсынылады. Ал біз бұл жағдайдың қалай өрбитінін бақылауда ұстаймыз.