Теміртау Ұлы Жеңістің 80 жылдығын атап өтті

10 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель May 14, 2025

Теміртауда Ұлы Жеңістің 80 жылдығына арналған мерекелік концерт өтті. Қаладағы «Шығыс» мәдениет және демалыс саябағында әртүрлі жастағы тұрғындар жиналып, Ұлы Отан соғысы батырларының ерлігіне құрмет көрсетті. Сахнада жергілікті өнер ұжымдары мен Қарағандыдан келген қонақтар өнер көрсетті.
«Шығыс» мәдениет және демалыс саябағында өткен концерт Ұлы Жеңістің 80 жылдығына арналды. Сахнада Теміртаудың шығармашылық ұжымдарымен қатар Қарағандыдан келген қонақтар да өнер көрсетті. Концерттік бағдарламаны симфониялық оркестр ашты, артынша Жас көрермендер театры «Проспект» «А зори здесь тихие» спектаклінен үзінді көрсетті. Ұйымдастырушылар шараны барлық буынға қызықты етіп ұйымдастыруға тырысты.
Лариса Браун, Теміртау Мәдениет сарайының шығармашылық жөніндегі орынбасары: «Бұл концерт әртүрлі жастағы адамдарға арналған. Себебі біз, теміртаулықтар, концерттерді жақсы көреміз және біздің тұрғындар әрдайым әртүрлі алаңдарда, түрлі концерттерде өнерпаздарды қолдауға келеді. Бұл біз үшін қуанышты жайт».
Концерт жергілікті ұжымдардың өнерімен, өлең оқуымен және тақырыптық билермен аяқталды. Соғыс жылдарындағы әндер тек сахнада ғана емес, бүкіл қалада шырқалды. Бұл мереке — бейбітшілікті қорғағандарға және тылда еңбек еткен жандарға алғыс белгісіне айналды.