Тыл еңбеккерлеріне алғыс білдіре отырып

38 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель May 17, 2025

Теміртауда Ұлы Отан соғысындағы Жеңістің 80 жылдығына орай тыл еңбеккерлерін құттықтады. Қалалық мәслихат депутаттары ардагерлердің үйлеріне барып, Жеңіске қосқан үлестері үшін алғыстарын білдірді.

Бүгінгі таңда ерекше назар – Жеңісті иықтарында көтерген жандарға. Депутат Нұрхан Нұрмахановтың округінде бүгінде 90 жастан асқан бар болғаны үш тыл еңбеккері тұрады.
Нұрхан Нұрмаханов, Теміртау қалалық мәслихатының депутаты:«Менің округімде 3 тыл ардагері бар. Бүгін қарияларды үйлеріне барып құттықтадық. Өкінішке қарай, көбісі өмірден өтіп кеткен. Жасы 90-нан асқан қарттарымызды қуантқымыз келді».
Әріптесінің сөзіне Теміртау қалалық мәслихатының депутаты Антон Кузнецов та қосылды. Ол жыл сайын мұндай ерлердің қатары азайып бара жатқанын, сондықтан оларға құрмет пен алғыс білдіруге үлгеру аса маңызды екенін атап өтті.
Антон Кузнецов, Теміртау қалалық мәслихатының депутаты: «Бүгін біз Нұрхан Нұрмахановпен бірге ардагерлер мен тыл еңбеккерлерін құттықтауға келдік. Жыл сайын олардың саны азайып барады. Баршаға зор денсаулық тілегіміз келеді. Осындай адамдар – олар осы жеңісті салуға көмектесті. Олардың жанкештілігі, ерлігі, төзімділігі, отансүйгіштігі, еліне деген сүйіспеншілігі – осының бәрін бізге мұра етіп қалдырып жатыр. Сондықтан барлық ардагерлерді тағы да құттықтағым келеді. Еліміздің барлық тұрғындарын Ұлы Отан соғысындағы Жеңістің 80 жылдығымен құттықтағым келеді».
Ардагерлердің өздері де алғыс сөздерін айтып, алған марапаттарынан алған әсерлерімен бөлісті.
Шакен Асылбекова, ардагер: «Мынау енді медаль берген Президентімізге көп рахмет, көп жасасын! Жұмыстың жемісін көрсін, әр уақытта аман-есен жүріп, халқының қалауы, еліне қызмет ете берсін».
Буыннан буынға беріліп келе жатқан жады осындай кездесулер арқылы мәңгі сақталады. Ал ардагерлер мен тыл еңбеккерлеріне шын жүректен айтылған жылы сөздер мен көңіл бөлудің өзі – олардың бүгінде ең қажет етері.