Қызылордада салынып жатқан 11 мың адам сиятын стадионның құрылысы аяқталуға жақын

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Қызылорда қаласында салынып жатқан 11 мың адам сиятын стадионның құрылысы аяқталуға жақын. Қазір жұмысшылар ауа райының аптабына қарамай, дамылсыз тер төгіп жатыр. Ал мердігер компанияның өкілдері алып нысанды күзге дейін ел игілігіне береміз дейді. Жалпы соңғы жылдары шаһарда білім беруге арналған, тарихи-мәдени мақсаттағы зәулім ғимараттар көптеп салынуда. Қала келбетіне өзгеше өң берген ауқымды жобалармен Абай Нұржанұлы танысып келген еді.
Қаланың сол жағалауындағы он бір мың орынға лайықталған стадионның құрылыс қыз-қыз қайнаған. Шілденің шіліңгір ыстығы болса да, төрт жүзге жуық жұмысшы тынымсыз еңбек етіп жүр. Қазір нысанның 75 пайызы бітіп тұр. Ал жұмысты толықтай аяқтауға құрылысшылар да, қажетті материалдар да жеткілікті дейді мердігер компанияның өкілі.
РАХЫМЖАН ҒАФУРОВ, мердігер компанияның өкілі:
-В основном высоко квалификационный спецалистер жиналған. Строй материалдар 90 процент дайын. Жетеді. Біздің расчет августтың аяғына дейін бітіреміз.
Яғни қыркүйек айындағы футболдан Қазақстан премьер лига турнирінің финалы осы стадионда өтеді деп жоспарланып отыр. Ал спорт нысаны УЕФА-ның барлық талаптарына сай келеді. Сондай-ақ мұнда аяқ допшылар алаңынан бөлек, дене шынықтыруға арналған бірнеше залдар да қарастырылған. Сондықтан “Қайсар Арена” стадионының өңірдегі спорт саласын дамытуға септігі мол дейді әкімдік өкілдері.
ЖІГЕР АЙЕКЕШОВ, ҚЫЗЫЛОРДА ОБЛЫСЫ ДЕНЕ ШЫНЫҚТЫРУ, СПОРТ ЖӘНЕ ТУРИЗМ БАСҚАРМАСЫ БАСШЫСЫНЫҢ ОРЫНБАСАРЫ:
-Арнайы стадиондармен айналысатын мамандар келіп, осы жердің УЕФА стандарттарына сәйкес болуын қадағалаған болатын. Ол жерде жарықтандыруға байланысты, жасанды алаңға байланысты. Ауыр атлетика залы, гимнастика залы, сонымен қатар фитнес орталығы, екінші қабаттарында фут корд, яғни тез тамақтану жүйесі кафелер орналасатын болады.
Жалпы қалада білім мен өнерге құштар жастар үшін де барлық жағдай жасалуда. Мәселен биыл сол жағалауда музыкалық колледждің жаңа ғимараты мен физика-математика интернаты пайдалануға берілді. Одан бөлек өңірдің өткенінен сыр шертетін экспонаттар қойылған тарихи-өлкетану мұражайы да жақында келушілерге есігін айқара ашты.
------------------------------------------
Перизат Қайратқа қатысты сот отырысы - https://www.youtube.com/playlist?list=PLn2OyECVOtB_JhG-p7lxqhxnRfVgE3Ig-
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық