ТЭМК уақытша жұмысын тоқтатты

11 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Теміртаудағы ең көне және стратегиялық маңызы бар кәсіпорындардың бірі – Электрметаллургиялық комбинат уақытша жұмысын тоқтатты. Өндіріс шығындарының өсуі мен нарықтағы қатаң бәсекелестік зауытты қиын жағдайға әкелді.
Теміртаудың ең көне зауыттарының бірі — «Теміртау электрметаллургиялық комбинаты» АҚ — өндірісті уақытша тоқтату туралы шешім қабылдады. Компания өкілдерінің айтуынша, оған себеп — күрделене түскен экономикалық жағдай. Атап айтқанда, өнімнің өзіндік құнының 85 пайыздан астамын құрайтын электр энергиясы мен шикізат бағасының күрт өсуі кәсіпорынды шығынға батырған.
Зауыт кальций карбидін өндіреді және оны ішкі нарықпен қатар экспортқа да шығарады. Алайда, өндіріс шығындарының жоғары болуы мен нарықтағы қатаң бәсекелестік жағдайында кәсіпорын өзінің бәсекеге қабілеттілігін жоғалта бастаған.
Комбинат бірнеше рет мемлекетке көмек сұрап жүгінген. Компания көтерген негізгі мәселелердің қатарында – қосылған құн салығының артық төленген бөлігін қайтару, электр энергиясы үшін төлем мерзімін кейінге шегеру және логистиканы тұрақтандыру. Теміртау қаласының әкімдігі бұл мәселелерді өз деңгейінде қарап, тиісті министрліктерге жолдаған.
Қазіргі таңда электр энергиясын жеңілдетілген шарттармен сатып алу туралы өтініш ҚР Энергетика министрлігінде қаралуда. Сонымен қатар, артық төленген ҚҚС қайтару мәселесі де күн тәртібінде тұр.
Қаланың стратегиялық маңызды нысаны саналатын бұл зауыттың жұмысын қайта жандандыру үшін жергілікті билік өкілдері уәкілетті органдармен бірлесе отырып, нақты шешімдер қабылдау жолдарын қарастырып жатыр.
Категория
Темиртау
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА