ТҮНДЕ ЖАНАТЫН "ЗЕБРА"

Облыс орталығында түнде өздігінен жанып тұратын жаяу жүргіншілер жолақтары пайда болды. Ерекшелігі сол, көлікті басқарғандар енді 100 метр қашықтықта жаяу жүргіншіні анық аңғара алады. Тілші бейнематериалында толығырақ.

ДӘУЛЕТ САҒИТ – ТІЛШІ //Бұл ерекше нақыштағы жаяу жүргіншілер жолы өңірімізде алғаш рет қолға алынып отыр. Әдетте жол үстіне бояумен салынған жолақ қалың қардан, көктемгі саздан көрінбей жатады. Ал, мына жарық диодынан түсіп тұрған сары ала түсті бояу кез-келген ауа райында анық көрінеді. Бұл көлік жүргізушілеріне де, жаяу жүргіншілерге де өте қойлайлы.

//Бұл әрине мектеп оқушылары мен қарт кісілерге өте қолайлы. Негізі мұны қаланың бүкіл жеріне қойса жақсы болар еді.//
//Мәселен мен Титов жақта тұрамын. Ол жақтағы кейбір көшелер қараңғы. Сол жаққа қойса тіпті жақсы болар еді.//

Статистикаға сүйенсек, жаяу жүргінші жолағында жазатайым жағдайлар жиі орын алады. Мәселен, былтыр жаяу жүргіншіні қағудың 268 дерегі тіркеліп, 37 адам қаза тапса, оның 15-і бала. Оқыс оқиғалардың басым бөлігі түнгі уақытта орын алған.

НҰРЖАН КАЛЕНДАРОВ – ОПД ӘПБ ЖОЛ-ТЕХНИКАЛЫҚ ИНСПЕКЦИЯ БӨЛІМІНІҢ ИНСПЕКТОРЫ //Осыған орай, Президент жолдауында білім беру ұйымдарының жол инфрақұрылымының қауіпсіздігі, жол қозғалысын ұйымдастыру мен балалардың, мектеп оқушыларының қатысуымен орын алатын жол-көлік оқиғаларының алдын алу мақсатында ОПД тарапынан көше-жол тораптарының бойында орналасқан жаяу жүргіншілерге арналған лазерлік жүйелермен жарықтандыру бойынша жергілікті атқарушы органдарына ұсыныстар жолданды. Түнгі мезгілде көлік жүргізушілері жаяу жүргіншілерді 100 метр қашықтықтан анық көре алады.//

ДАРХАН БАҚТИЯРОВ – ҚАЛАЛЫҚ ТҮКШ, ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ БӨЛІМІ БАСШЫСЫНЫҢ ОРЫНБАСАРЫ //9031 Қаладағы әлеуметтік нысандар, мектеп пен балабақша, сондай-ақ халық пен көлік көп жүретін аумақтарға қойылды. Атап айтар болсақ, көшенің еніне қарай 30-35 жерге қойылған. Тұрғындар ризашылығын білдіруде. Ағымдағы жылы бюджет мүмкіндігіне қарай тағы қосымша қою жоспарда бар.//

Мамандардың айтуынша, жаяу жүргіншілердің жолдағы қауіпсіздігін қамтамасыз етуге арналған жаңа құрылғы кемі үш жылға дейін жарамды.

Сайт - https://qyzylordatv.kz/ru/live
Facebook - https://www.facebook.com/qyzylordatv/
VK - https://vk.com/qyzylordatv
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/