Төрт түлік үшін жаңа несие бағдарламалары іске қосылды

6 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Apr 4, 2026

#qyzylordatv
Қызылордада Ауыл шаруашылығы министрлігінің өкілдері асыраушы сала мамандарымен бас қосты. Құзырлы министрлік «Барлық күш-жігер аграрлық сектордың орнықты өсуіне және технологиялық жаңаруына бағытталуы тиіс. Жеңілдетілген несиелеу нақты нәтиже беруі қажет» дейді. Бұл жерде басты әңгіме жаңа несие бағдарламалары турасында болып отыр. Мәселенің мәнісін тілші тарқатсын

Фермер дейтін болдық қазір асыраушы сала өкілдерін. Иә, сол фермерлер нағыз еңбек адамы. Ал, дамыған елдерде фермер болу үлкен мәртебе және табысы мол бизнес. Иә, жаһандық жағдайды ескере келе, таза өнім ұсынатын және елдің берекесін кіргізіп отырған осы асыраушы сала өкілдері екенін жақсы түсінесің. Құзырлы министрлік биылғы жылы дамудың негізгі қозғаушы күші мал шаруашылығы болады деп отыр. Бұл, әрине, қуантады. Осы мақсатта Үкімет тарапынан қаржыландыру көлемі 400 млрд теңгеден асатын кешенді жоспар бекітілді. Наурыз айынан бастап жылдық мөлшерлемесі 6%-дан аспайтын “Игілік” және “Береке” жеңілдетілген несие өнімдері іске қосылды. Алғашқысы 100 бастан басталады, ал береке 500 бастан. Олар асыл тұқымды мал сатып алуға бағытталған. Сонымен қатар, жайылымдық мал шаруашылығын дамытуға арналған “Жайлау” бірыңғай бағдарламасы іске қосылды. Игілік пен Берекенің несие беру шарттары бірдей. Алам деушілердің малазықтық база, жайылым, техникасы болуы шарт, - дейді құзырлы ведомство

Ветеринария саласы да бұрын-соңды болмаған қаржылық қолдауға ие болуда, - дейді вице-министр. Құзырлы ведомствоның хабарламаларынан соң сырбойылық фермерлер салаға қатысты бірнеше мәселе көтерді.
Ашығын айтайық, сауал аз болмады, ол түсінікті де. Жеңілдетілген қаржыландыруға қолжетімділік, агротехниканы жаңарту, қайта өңдеу саласын дамыту және мал азығы базасын қамтамасыз ету, күріш өсірушілердің мәселесі дегендей. Әрине, Ауыл шаруашылығы министрлігінің өкілдері өз құзыреттіліктері аясында жан-жақты түсініктеме беріп жатты. Бірақ, байқағанымыз, ауыл шаруашылығы дегенде сол Үкіметтен бөлінетін қаржыны тарқататын құзырлы қорлардың өкілдері де келуі керек еді, мәселоен, «Даму» қоры дегендей, шаруалар қаржыны қалай, қашан алады, әрекет алгоритмі түсіндірілуі керек еді, одан қалды су министрлігіне қатысты да сауалдар баршылық, мәселен, жаңбырлатып суаруды жүзеге асыру үшін құрылыс-монтаж жұмыстарына қаражат бөлу схемасын реттесе деген де мәселе өз алдына өзекті. Кездесу туралы толығырақ апта қорытындысы «Үштағаннан» көре аласыздар.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylorda_tv
Tiktok - https://www.tiktok.com/@qyzylorda_tv/