Халықаралық ғылыми-тәжірибелік конференция

16 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 4, 2026

#qyzylordatv
Қорқыт ата атындағы Қызылорда Университетінде Тұрмағамбет Ізтілеуов Әбілқасым Фирдоусидің «Шаһнама» дастанын қазақ тіліне аударғанына 90 жыл толуына орай «Шаһнама» және Тұрмағамбет – әлем әдебиетінің мәңгілік мұрасы» атты халықаралық ғылыми-тәжірибелік конференция өтті.

«Шаһнама» - адамзат өркениетіндегі ең ірі эпикалық шығармалардың бірі. Фирдоуси бұл ұлы туындысын 1010 жылы аяқтаған. Шығарма шамамен 50 мың бәйіттен тұратын алып поэма ретінде сипатталады. Онда Иранның аңыздық және жартылай тарихы, алғашқы патшалардан бастап араб елін жаулап алуына дейінгі кең тарихи-мифологиялық желі қамтылған. Сондықтан бұл шығарма ғасырлар бойы өзінің өміршеңдігін жоғалтқан жоқ. Ал, Тұрмағамбет Ізтілеуұлы «Шаһнамадағы» оқиғаларды қазақ оқырманына жатсындырмай, ұлттық поэтикалық тілдің мүмкіндіктері арқылы жеткізуге ұмтылды.

Халықаралық конференцияға Қазақстан, Үндістан, Жапония, Тәжікстан, Өзбекстан және Иран елдерінің ғалымдары қатысты. Жиында алдымен облыс әкімінің орынбасары Қайрат Нұртай аймақ басшысының құттықтауын жеткізіп, ғылыми жиынның маңызына тоқталды. Мұнан кейін, зерттеуші-ғалымдар «Шаһнама» дастанының әдеби-көркемдік және философиялық ерекшеліктері, Тұрмағамбет Ізтілеуовтің аудармашылық шеберлігін, қолжазба нұсқаларының зерттелуі, сондай-ақ, шығарманың тарихи-мәдени және деректік маңызы жөнінде ғылыми баяндамалар жасады.
Басқосуда қолжазба мұраларды кеңінен зерттеу және Тұрмағамбет шығармаларын халықаралық деңгейде насихаттау мәселелері көтерілді.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylorda_tv
Tiktok - https://www.tiktok.com/@qyzylorda_tv/