Шу қалалық "Локомотив" стадионында "МӘДЕНИЕТ- АСЫЛ ҚАЗЫНАМ" атты Шу ауданының мәдениет күні өтті.

Өткенді бағаламасаң ,болашақ саған бас имейді.Өйткені елдің тұтастығын сақтайтын,болмысын бейнелейтін тарих.Ал тереңнен тамыр алатын қазақ тарихы сарқылмас қазына,таусылмас шежіре. Керей хан мен Жәнібек бабаларымыз 1465 жылы Шу бойындағы Қозыбасыда алғашқы қазақ хандығының туын тігіп,негізін қалаған. Қазақтың мемлекеттігінің тарихы сол кезеңнен бастау алса, сан ғасырға созылған қазақ халқының ұлт азаттық күресінің соңғы нүктесіндей болған.
Сондай - ақ ХХ ғасырдың алып құрылысы саналған Түркістан-Сібір темір жолының алып құрылысы 1928 жылдың қоңыр күзінде басталды. Осыған байланысты қазіргі Шу қаласының орны елдің назарына ілінді. Бұған дейін тұрғылықты тұрғындары бар жапан даланың бір ұшпағы болатын.Осынау құрылысқа байланысты Одақтың әр түкпірінен қоныс аударған құрылысшылар, темір жол саласының мамандары осында бас қосты. Көпшілік білек тіресе іске кіріскендіктен бүкіл Одақтың екпінді еңбек аймағына айналды. Алып құрылыстың алғашқы жобасы бойынша темір жол Бішкектен Алматыға қарай тікелей тартылу тиіс еді. Ресей Федерациясы Халық Комиссарлар комитетінің төрағасы Тұрар Рысқұлов жобаны өзгертіп Қазақ ауылдарының қам қаракетін қарастырды. Ол Шу өзені бойындағы ел – жұрттың мақсат, мүддесін ескере келіп темір жол табанын Луговой арқылы тартуды ұсынды. Өзі іс басында болып оның жаңа жобаға сай салынуын бақылауда ұстаған. Атап айтқанда Қазақ КСРО орталық атқару комитетінің 1937 жылғы 29 желтоқсанындағы шешімімен Шу стансасына қала түріндегі Кент атағы берілді.
Осыншама тарихы бар иекенде аудан әкімдігінің йымдастыруымен Шу қалалық "Локомотив" стадионында "МӘДЕНИЕТ- АСЫЛ ҚАЗЫНАМ" атты Шу ауданының мәдениет күні болып өтті. Бұл, атаулы мерекеге Жамбыл облысынан және Республикаға танымал әншілер мен бамқа да елді мекендерден халық тамашалауға жиналды.
Бұл ретте аудандық мәдениет үйінің қатысуымен Қазақ хандығынан көріністер мен қойылымдар, Ат ойындары мен концерттік бағдарламалар мен жалғасын тапты.
Сондай - ақ, қолөнер шеберлері мен ауылшаруашылық көрмелері ұйымдастырылып көрермендерге тарту етті. Іс - шара соңында келген қонақтарға ас дайындалып дастархан жайылды.
Атаулы шараға қатысқан көпшілік ризашылықтарын білдіріп көңілді тарқады.