ШҰҒЫЛ! ИМАНҒАЛИ БИЛІКТІ АЙЫРДЫ — ХАЛЫҚ АЛАҢҒА ШЫҚТЫ — АЛМАТЫ ОТҚА ОРАНДЫ!

Ассалаумағалейкум көрермен

Талай адамның тағдырын талқандаған Шаңырақ уақиғасы туралы не білеміз? Арон Атабекті арандатып, халықтың қарғысын арқалағандар туралы не дейміз? Сол кездегі қатығыс барысында полиция өкілін кім өртеп жіберді? Қазақ тарихында қанды әріппен жазылып қалған оқиғаға Иманғалидың қандай қатысы бар? Бұл туралы өте қорқынышты ақпараттарды Диван батыр арнасы баяндайтын болады

Құрметті менің көрермендерім Әдеттегі дәстүр бойынша 1 минутымызды қиып, видеомызға лайк басып, арнаға тіркеліп, қасында шыққан кішкентай ғана қоңыраушаны баса кетіңідер. Еңбек бізден, қолдау сіздерден! Кеттік ендеше

2006 жылы болған «Шаңырақ оқиғасына» биыл он сегіз  жыл. Тәуелсіз Қазақстан тарихында жаппай соттау сол оқиғадан кейін басталды. «Шаңырақ ісі» бойынша 9 айға жалғасқан сот процесі кезінде 25 адамға айып тағылды. Полиция қызметкері Әсет БЕЙСЕНОВ қайтыс болды. Содан бері арада 18 жыл өтті. Бұл Жаңаөзендегі қанды қырғыннан кем түспейтін қазақ қоғамындағы трагедиялардың бірі болды. Алайда шындық әлі де ашылмай келеді. Сол кездегі қара беттің барлығы Шаханов айтқандай дара тұлға дара бет болып отырғаны да жасырын емес. Шаңырақтағы қанды оқиғаны, Шаңырақ оқиғасына қатысып, сотталып шыққан Аят Темірбаевтың жан түршіктірер әңгімесімен өрбітетін боламыз.

2006 жылдары жер сатуға байланысты заң шықты. Жер учаскелерінің бағасы аспандап, әкімшіліктегі пысықайлардың бәрі жер сата бастады. Халыққа алдап жер сатқандар да болды. Ол кезде мен студент едім . 2-курста оқитынмын. Шаңырақта әпкем жер алып, сол жерде кішігірім үй тұрғызып тұрып жатқан. Иманғали ТАСМАҒАМБЕТОВ мырзамыз әкім болып келе салып, сол кездегі жағдайдың бәрін көзімен көрді, білді. «Шаңырақ шайқалмайды, Әйгерім әбіржімейді, бәрін қалыпқа келтіреміз уайымдамаңыздар, бәрі керемет болады», деді де, тура 7 шілде күні Бақай ықшам ауданын бір күнде сүріп жоқ қылды. Ішіндегі адамына қарамай, бәрін қуып шығарып, айуандықпен үйлерді сырып тастады. Соны естіген Шаңырақтың адамдары да үрейленді. Өзіңіз ойлаңызшы, күн-түн демей жұмыс істеп, соңғы тиындарына дейін санап беріп алған жерлері ғой. Енді келіп бәріне ескерту айта бастады. «Үйлеріңізді құлатамыз, заңсыз салынған», деп. Шаңырақтағылардың шырылына ешкім құлақ аспады. Ақыры тұрғындар полицияда істейтін туыстарынан, таныстарынан «ертең таңғы 9-дар шамасында сіздер жаққа үйлеріңізді құлатуға бюлдозермен барады» деген хабарды естіді. Сонымен, қараша халық «не істейміз?» деп аңтарылып қалды. «Ондай жағдай болуы мүмкін емес» деп сенгісі келмегендер де болды. Оқиға таңғы сағат 4-те басталып кетті. Бәріміз ұйқымыздан шошып оянғандай болдық. Сөйтсек, полиция қызметкерлері келген. Үйді сүруге арналған көліктері бар. Халық та жинала қалды. Біз үлкенді сыйлаған халықпыз ғой. Сөзге тоқтауы керек деген оймен Маржан АСПАНДИЯРОВА, Рысбек СӘРСЕНБАЙҰЛЫ, Арон АТАБЕК сияқты азаматтар бейбіт бітімге келгісі келді. Өзіміздің арамыздан да жасы үлкен ақсақалдарымыз алдыға шығып, басу айта бастады. Бірақ, күткеніміздей болған жоқ. Кемпір, шал деген жоқ, итеріп, баспанамызға басып кіргенде, шыны керек біз қарап тұра алмадық. Кез-келген адам өзінің анасын біреу ұрып жатса, атасын итеріп жатса шыдап тұрмайды ғой. Осылай екі ортада қақтығыс басталып кетті.

Полиция қызметкерлері лек-легімен келді. Бұл жерде «жаппай тәртіпсіздік» деп өзімізге айып тақты ғой. Жаппай тәртіпсіздік деген менің түсінігім бойынша халық еш себепсіз көшеге шығып ғимараттарды қиратып тонау, бүлдіру. Осыны жаппай тәртіпсіздік деп есептеуге болады. Ал, бұл жерде жаппай тәртіпсіздікті жасап отырған халық емес, полиция қызметкерлерінің өзі. Олар халықтың қорғаушысы ғой. Шаңырақ оқиғасы кезінде керісінше қорлаушы болып кеткен сияқты. Барлығын өз көзіммен көрдім. Арасында болдым. Бәрі өліспей беріспеуге бекінді. Осы оқиғаның нәтижесінде еш жазығы жоқ, бір отбасының жалғыз баласы 24 жастағы полиция қызметкерін өртеп жіберді. Оны кім өртегені әлі күнге дейін белгісіз. Жазықсыздан жазықсыз 4 адамды соттап жіберді.

Мен қылмыстық кодекстің 8 бабы бойынша айыпталдым. Маған бастапқыда кісі өліміне қатысы бар деген айып тақты. Кейін, 234-бап - «адамды кепілге алу» деп, сосын 181-бап - қорқыту, полиция қызметкерлерінің заттарын тартып алу, жаппай тәртіпсіздікке қатысты, жаппай тәртіпсіздікті ұйымдастырушысы ретінде де (күлді) айыптады. Тағы бірі 342-бап болу керек - «соттың үкіміне қарсы шықты» деген айып тақты. Ешқандай нақты дәлелдері болған жоқ. Ол кезде менің атымда үй де болағн жоқ. Соған қарамастан 3 жылға шартты түрде жаза кесті. Өздеріңіз білесіздер Арон Атабек 18 жылға, Құрманғаз Өтегенов - 16 жыл, Ерқанат Тараншиев - 15 жыл, Рүстем Тұяқов - 14 жыл арқалап кетті

Журналистің Өкінішіңіз бар ма деген сұрағына Аят Темірбаев:

- Жоқ. Өкінбеймін. Халықтың сөзін сөйлеп шыққаныма еш уақытта өкінген емеспін. Мен ғана емес, сотталған жігіттердің қай-қайсысынан сұрасаңыз да осылай айтады. Себебі, осы оқиғадан кейін жағдай біршама түзелді. Қаншама халықтың баспаналары орнында қалды.

- Қоғам Шаңырақ оқиғасын қаншалықты жадында сақтай алды?