ЭКСКЛЮЗИВ: «14 жастағы қызды топтасып зорлап, ес-түссіз күйде үйіне әкеліп тастаған»

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Жамбыл облысында 14 жастағы қызымды жігіттер топтасып зорлады деген ана әділдік іздейді. Айгүл Қонқашева сұмдық жағдайдың болғанына екі апта өтсе де күдіктілердің ешқайсысы қамалмағанына қапалы. Осылайша іс жылы жабыла ма деген ана жыларман күйге түскен. Айтуынша сегізінші сыныптағы қызға айуандық жасағандар естен тандыратын белгісіз зат беріп, жыныстық қатынасқа түскен. Жарты ай өтсе де күдіктілер неге анықталмаған? Қорланған жасөспірімнің қазіргі жағдайы қалай? Құзырлы органдар не дейді? Әріптесім Нұрадин Рақай тараптарға микрофон ұсынған еді.
Қорланған қыз, арланған ана көлденең кісі көзіне көрінуден қалғалы қашан?! Қаралай қара бет болдым деген ана бүгін беттің арын белге түйіп бар шындықты айтпасқа болмады дейді. Өйткені сорақы жайт таяқ болып тимес үшін тиісті органдар істі бұрмалауға бет алды деп айыптайды. Ал болған жайды баяндауға ауыз бармайды. Түн ортасында қызының төсегінде жоқ екенін байқаған анасы, шарық ұрып іздейді. Бірақ ақыры байланыса алмайды. Таңды көзбен атырып көшеге шыққанда, ауладағы мына орындықта қызының сүлесоқ жатқанын аңғарған.
Қимылсыз қызын құшақтай ауруханаға жеткізеді. Тілсіз қалған оқушыны тексерген мамандар сараптама тағайындайды.
Айгүл Қонқашева сол түні қызымды таныс жігіті үйден шығуға көндірген деп отыр. Кейін көлікте тағы үш жігіт болған дейді. Айтуынша, жас шамалары 17, 18, 20, 25-тегі жігіттер 8 сынып оқушысына ойына келгенін істеп, таң сәріде ес-түссіз күйде есік алдына әкеліп тастаған.
АЙГҮЛ ҚОНҚАШОВА, Оқушы қыздың анасы:
– Қызым есін білмейді. Бүйтсем вообще өлген адам сияқты. Мас адамның буын буыны істемейді ғой. Тура сондай. Ішімдіктен бұрын, синтетический бағана айтқандай мочадан шықты. Нарколог бәріне анализ өткіздік сол күні. Бұл жерде топтасып зорлау болып тұр ғой.
Қыздың туыстары күдіктілердің бостандықта жүргенін айтады. Ал полиция тек сараптамадан соң ғана шешім қабылдаймыз деп шығарып салған көрінеді.
АЙБАРШЫН ШАЛОВА, Оқушы қыздың апасы:
– Мен сендердің тергеушілеріңе қанағаттанбаймын балалар. Бұл не деген сұмдық. Кәмелетке толмаған қыз осылай болып жатыр. Өздері алып кетті, зорлады, әкеліп тастады. Енді не қамалмайды дегенім де маған сол Ержан айтты, апа қамалғанда сізге не пайда деп, қолын бүйтіп тұрып айтты сол бала.
Ал бар өкпесін айтқан жәбірленушінің туыстары прокуратурадан тергеушілердің дөрекілігі, бала құқығын қорғау бойынша комиссияның келмеуі, істің созбаққа салыну себебін сұрады.
БІРЛІК ІЗБАСАРОВ, Қордай ауданының прокуроры:
– Сол күні аудандық полиция бөлімімен іс қозғалған. Қылмыстық кодекстің 122 -бабы, бірінші бөлімімен. Қазір іс бойынша сот сараптамалар тағайындалған. Жәбірленуші айтып отырған барлық сұрақтар, уәждері ескерусіз қалмайды. Оған мен прокурор ретінде назарға алатын боламын.
Созбаққа салынған сараптама келмей қанша жігіттің оқушы қызға озбырлық жасағанын білмейміз дейді. Ал қарғадай қыздың анасы бұл істің өгіз аяңға салынуының сыры жыныстық қатынасқа түсті деген жігіттердің санын азайту деп түсінеді.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық