Экспедицияшылар мұнай-газ тарихымен танысты

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 11, 2025

«ТЕТ-2025» қатысушыларына өңірдің басты байлығы саналатын мұнай-газ ісі мамандарын даярлайтын басты оқу орнымен жіті танысу мүмкіндігі берілді.

Анығында, Алатау баурайы мен Ертіс жағалауынан арнайы ат басын бұрған оқушыларымыз Атыраудағы Сафи Өтебаев атындағы Атырау мұнай-газ университетіне барды.

Алдымен олар мұнай-газ тарихы толыққанды баяндалған бейнебаянды зор ықыласпен тамашалады. Елге еңбегі сіңген мұнайшылар туралы ақпаратқа да қанық болды. Кейін оқу корпустарын аралап, университеттің материалдық базасымен танысып, лабораториялар қызметін өз көздерімен көрді.

Әсіресе, полимерлер реологиясы, аналитикалық химия зертханаларына жасалған экскурсия оқушылардың зор қызығушылығына ие болды. Өйткені, жоғары оқу орнының ұлағатты ұстаздары оқушыларға зертханалық жұмыстар жасап көрсеткен болатын.

Қара алтын астанасы саналатын Атырау өңірінің мұнайшы мамандығы туралы тың ақпарат осылайша оқушыларға түрлі ғылыми ой салғаны сөзсіз.