Ғылым айлығы басталды

Қорқыт ата атындағы Қызылорда университетінде ғылым айлығы басталды. Енді 1 ай бойы университет ғалымдары мен студенттері ғылыми конференциялар мен семинарларға қатысып, өздері де зерттеу жұмыстарымен айналысатын болады.

Ғылыми шараның мақсаты – студенттер мен магистрант, докторанттардың жұмысын жүйелеу. Сондай-ақ ғылымға қызығушылығы бар жасөспірімдерді тәжірибе жинауға шақыру. Шара аясында ғылыми журналдар жаңғыртылып, ботаникалық бақтың жұмысын жандандыру және ғалымдардың жарияланған материалдарын насихаттау секілді жұмыстар жүзеге асыралады деп күтілуде. Бір айға созылатын ғылыми іс-шараның ашылуына американдық ғалым Джон Каразерс қатысты. Корнелл университетінің профессоры семинарлар өткізіп, дәріс оқитын болады.

НҰРЖАН ЕДІЛБАЕВ - ҚОРҚЫТ АТЫНДАҒЫ ҚУ ҒЫЛЫМ ДЕПАРТАМЕНТІ КОММЕРЦИЯЛАНДЫРУ БӨЛІМІНІҢ БАСШЫСЫ
«Өздеріңізге белгілі 12-сәуір ғалым-академик Қаныш Сәтпаевтың туған күні, космонавтика күні. Соған байланысты бізде университетте осы ай ғылым айлығы болып аталып өтеді. Осы айдың аясында көпт еген шаралар жоспарлануда. университетіміздің 6 ғылыми орталығы бар. онда 20-дан астам ғылыми қызметкер жұмыс жасайды».

ДЖОН КАРАЗЕРС - КОРНЕЛЛ УНИВЕРСИТЕТІНІҢ ПРОФЕССОРЫ
«Бұл менің Қазақстанға алғаш келуім. Бұл сапарымның мақсаты студентімнің ғылыми зерттеу жұмысына көмектесу. Яғни, зерттеу жұмысын жазу үшін біз Қызылорданың урбанизация жұмыстарымен танысуға келдік. Сапар барысында Қорқыт ата университетімен танысудамыз, университет ұнап жатыр. Зерттеу орталықтарымен танысып жатырмыз. Осында 1 апта боламыз. Семинар, тренингтер өткізіп, өз тәжірибемізбен бөлісеміз».

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/