Қазақстандықтар Дубай мен Дохаға ұшып кете алмады

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Қазақстандықтар бүгін Таяу Шығыстағы жағдайға байланысты Дубай мен Дохаға ұшып кете алмады. Отандық әуекомпаниялар осы бағытта ұшатын бүгінгі рейстің бәрін тоқтатқан. Теңіз жағасында демаламыз деп дайындалып, бірақ Парсы шығанағына жете алмаған туристердің жайы не болмақ? Тілшіміз біліп келді
ГҮЛВИРА СЕЙТЕН – ТІЛШІ:
- Әуе кеңістігіндегі ахуалға байланысты Қазақстаннан Иран үстімен ұшатын рейстер тоқтап жатыр. Бүгін Атырау, Астана, Алматыдан Дубайға және Астанадан Дохаға ұшақтар ұшпай қалды. Дубай мен Дохадан да Қазақстанға рейс жоқ.

КСМ: Таяу Шығысқа рейс болмайтынын әуекомпаниялар кеше хабарлаған, бүгін Астана әуежайының шетелдік рейс терминалында даурыққан жолаушы жоқ.

Таяу Шығыстағы қақтығыстың шиеленуіне байланысты Компаниялар тобы 23 маусымда мынадай рейстерді тоқтатады:

Орындалмаған рейстердің жолаушыларына ақысыз қайта брондау немесе билетінің құнын толық қайтару ұсынылады.
SCAT ӘУЕКОМПАНИЯСЫНЫҢ БАСПАСӨЗ ҚЫЗМЕТІ:
Халықаралық жағдайға және жекелеген әуе кеңістіктерінде уақытша ұшу шектеулеріне байланысты 2025 жылғы 23 маусымға жоспарланған Астана — Доха рейсі тоқтатылғанын хабарлаймыз.

КСМ: Әуе компаниялар ертеңгі рейстерге қатысты ештеңе айтпай отыр. Ал, туристік фирмалар жоспарлы саяхатқа шыға алмай қалған туристердің тапсырысын қайта қарап әлек.

ДИАНА ЕЛБАЕВА – ТУРФИРМА ӨКІЛІ:
- Кеше ұшып кете алмаған туристердің ақшасын қайтарып беріп жатырмыз. Кейбірі сапарын басқа күнге ауыстырды. Шетелден оралатын уақыты болған, бірақ рейс тоқтап, келе алмай қалған туристерімізге уақытша пана берілді.

Туроператорлар тұрғындарға саяхат бағытын қазірден өзгертуді кеңес етеді. Парсы шығанағы елдерінен әзірге бас тарта тұрған абзал дейді. Бірақ, Араб түбегінде жұмыс істеп жүрген отандастарымыз да бар. Солардың бірі Катардағы жұмыс орнына қалай жеткенін айтып берді.

АРАЙЛЫМ СЕЙТЕНОВА, ЖОЛАУШЫ:
- Мен жұмысқа 16 маусым күні Алматы – Доха бағытында Катарэйрспен ұштым. Әуе жолдары жабылып қалуы мүмкін болды, жұмысқа жете алмаймыз деген ой болды. Бірақ соған қарамастан рейсімізді көп кешіктірген жоқ, уақытында жеткізді. Менің білуімше, біз Пәкістан үстінен ұштық.

Израиль – Иран әуе қақтығысы жалғасып жатыр. Иран ракеталар атса, Израиль Парчиндегі әскери кешенге соққы жасаған. Біздің сыртқы істер министрлігі қақтығыс ошағы – Иран мен Израильден 296 азамат көшірілгенін хабарлады. Соның ішінде, Ираннан 230, Израильден 66 отандасымыз келген. Екі елде қазір 200-ден астам Қазақстан азаматы бар. Таяу Шығыстағы шиеленіске байланысты Сыртқы істер министрлігінің ұстанымы мынадай.

ҚР СЫРТҚЫ ІСТЕР МИНИСТРЛІГІ

Қазақстан жағы барлық келіспеушілік соның ішінде ядролық мәселелер тек БҰҰ Жарғысы негізінде, келіссөздер арқылы шешілуі қажет деп санайды. Сонымен қатар тараптарды тез арада ортақ келісім әзірлеуге шақырады.

Ал Тегеран Америкадан кек алуды көздейді. АҚШ президенті Дональд Трамп Иран билігін өзгерту туралы мәлімдеме жасап, ядролық объектілерге жасалған соққыны «әскери сәттілік» деп атады. Иран ядролық материалдарын алдын ала көшіріп үлгергенін хабарлады. Иранның БҰҰ-дағы елшісі АҚШ-ты «соғыс отын тұтатты» деп айыптап, жауап міндетті түрде болады, оның сипатын әскери күштер шешеді, деді.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал