Қазақстанның халық әртісі Бибігүл Төлегенованы Астана әуежайында ұшаққа кіргізбей қойған

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Қазақстанның халық әртісі Бибігүл Төлегенованы Астана әуежайында ұшаққа кіргізбей қызметкерлер дөрекі сөйлеген. Осылай деп шағымданған қызы Гюзель Төлегенованың Air Astana компаниясының мамандарына өкпесі қара қазандай. Арбамен өтпек болған өнер иесінің алдынан талаптарын айтып тосқауыл жасапты. 94 жасқа келген Бибігүл Ахметқызының оқиғасы турыла толығырақ әріптесім айтып берсін.
Халық әртісі Бибігүл Төлегенова осыдан бірер күн бұрын Астана қаласындағы өзінің есімі берілген креативті мектептің ашылу салтанаттына барған. Ал мерейлі шарадан кейін Алматыға қайтпақ болғанда әуежайда келеңсіз жайтқа тап болыпты. Гюзель Төлегенованың айтуынша, елордадағы кептелістің кесірінен әуежайға ерте жету мүмкін болмаған. Денсаулығына байланысты көліктен ұшаққа дейінгі қашықтыққа арнайы жабдықталған көлік шақыртқан. Бірақ тіркеуден өтер мезетте Air Astana компаниясының қызметкері неге екені белгісіз дөрекілік танытты дейді Бибігүл Төлегенованың қызы.
ГЮЗЕЛЬ ТӨЛЕГЕНОВА, Бибігүл Төлегенованың қызы:
– Сол жерде тұрыңыздар, мен ешкімді кіргізбеймін. Талап барлығына ортақ. Өзім бастықпын. Егер шағымдарыңыз болса Алматыға барып компанияға айтыңыздар деді. Біз Бибігүл Ахметқызының Астананың құрметті азаматы екенін де айттық. Бірақ оған құлақ асқан жан болмады. Бәріміз талапқа бағынамыз. Біз келгенде кезек немесе қолайсыздық болатындай ештеңе болған жоқ. Сабырмен айтудың орнына қызметкердің жекіп сөйлегені тіпті көңілді қалдырды.
Гюзель Төлегенованың айтуынша, арадағы кикілжің біраз уақытқа созылған. Тіпті, мәселеге өнер иесінің өзі де араласып мәмілеге келуге шақырған екен. Бірақ, бірбеткейлікке салынған қызметкер түсіністік танытқысы келмеді дейді. Аты аңызға айналған әншіге қызметкерлер тарапынан сыйластықтың болмағанына әнші Майра Ілиясова да өкпелі. Құрметті азаматқа мұндай мінез танытқан маманды тіпті жұмыстан да босату қажет деді.
МАЙРА ІЛИЯСОВА, Қазақстанның еңбек сіңірген әртісі:
– Менің ойымша бұл қыз барып үйіне сол кісінің алдына барып кешірім сұрауы керек және мәселе кешірім сұрағанда емес Air Astana басшылары бұл қызды жұмыстан шығаруы керек. Өйткені жәй қарапайым адам емес. Осындай біздің еліміздің мақтанышы жұрт бір көруге зар болатын Бибігүл апайымызға осындай тұрғызып қою арқасының ауырғанына қарамастан барлық адамдар өтіп кеткенше отыру деген ол өте ұят нәрсе.
БАУЫРЖАН ЖАҚСЫМБЕТ, тілші:
– Алматыға дін аман жеткен Бибігүл Төлегенова мен оның қызы бұл оқиғаға қатысты ешқайда шағымданбаймыз дейді. Тек, үлкенге құрметтің құрдымға кетіп бара жатқанына қапалы. Ал әуе компаниясынан бір де бір адам келіп кешірім де сұраған жоқ дейді.
Ал "Эйр Астана" өкілдері тілшілер артық сұрақ қояды деді ме, әйтеуір бірден дайын жауап жолдады. Сонымен әуе компаниясы бортсеріктің әрекетіне қатысты не деді екен? Бірге тыңдасақ.
ТІЛЕК АБДРАХМАНОВ, «AIR ASTANA” ӘУЕ КОМПАНИЯСЫНЫҢ РЕСМИ ӨКІЛІ:
– Халықаралық авиациялық ережелерге сәйкес коляскомен жүретін жолаушылар ұшаққа отырғызылу басталғанға дейін немесе соңында шақырылады. Біздің мәліметімізше, халық әртісі Бибігүл Төлегенова мен оның қызы ұшаққа отырғызу басталғанда ғана келген және біздің агентіміз олардан отырғызу аяқталғанша күтуді сұрады. Бірақ біз осы түсінбеушілікке өкінеміз. Және қызмет сапасын арттыру үшін қосымша тексеріс жүргіземіз.
94 жастағы халық әртісінің осындай жағдайда қалғанына алаңдаған Мәдениет және ақпарат министрі Аида Балаевада өз ойын білдірді. Министр әуе компаниясы мен оның қызметкерлері ішкі нұсқаулықтардан бөлек, қарапайым этиканы, адами қарым-қатынасты сақтаса дейді.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық