Қазақ ғылымының шамшырағы – Қаныш Сәтбаевқа арналған музейлік сабақ.

5 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
"Ғылым қызметкерлері күніне" орай қазақ халқының біртуар перзенті, аса көрнекті ғалым, ҚР Ғылым академиясының тұңғыш президенті Қаныш Имантайұлы Сәтбаевтың ғылымға сіңірген ерен еңбегін ұлықтауға арналған «Рухы биік ұлы перзент» музейлік сабақ өтті.

Сабаққа Қаныш Сәтбаев атындағы мектептің оқушылары мен ұстаздары қатысты. Оқушыларға ел тарихында өшпес із қалдырған, қазақ ғылымының дамуына сүбелі үлес қосқан Қаныш Сәтбаевтың өмір жолы, ғылымдағы жетістіктері, Жезқазғандағы ірі мыс кен орындарын ашудағы еңбегі, мәдени мұра мен тарих саласындағы ізденістері жайлы мазмұнды мәліметтер берілді. Сонымен қатар, академиктің марапаттары, Қазақстан археологиясына қосқан үлесі және есімі берілген нысандар туралы ақпараттар айтылды.

Іс-шараға Қ.Сәтбаевтың еңбектерін зерттеп, 2017 жылы музейге оның минералды тастары мен тұтынған бұйымдарын тапсырған ҚР білім беру ісінің үздігі, Ыбырай Алтынсарин медалінің иегері Айсұлу Айжарыққызы арнайы қатысып, жас буынға ғалымның геология саласындағы еңбектері мен өмірлік өнегесі туралы әсерлі әңгіме өрбітіп, жинақтаған материалдарымен таныстырды.

Соңында қатысушыларға «Ұлт мақтанышы» тақырыбындағы бейнематериал мен слайд көрсетіліп, жас ұрпақтың ғылымға деген қызығушылығын арттыратын көрме таныстырылды.

Ғылым саласындағы ұлы тұлғаның өнегелі өмір жолынан рухани серпіліс алып, тағылымды мәліметтерге қаныққан қатысушылар мазмұнды шара ұйымдастырғаны үшін музей ұжымына шынайы алғыстарын білдірсе, А.Айжарыққызы Қаныш Имантайұлы туралы өзі жинақтаған кітаптарды музей қорына сыйға тартты.
Категория
Атырау Атырауская область
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА