ҚАЛА ӘКІМІ ТАҒАЙЫНДАЛДЫ

Кадрлық ауыс-түйіс. Қазақстан Республикасы Президенті Әкімшілігінің келісімі бойынша облыс әкімінің өкімімен Қызылорда қаласының әкімі қызметіне Серік Қожаниязов тағайындалды. Ал, осыған дейін шаһар басшысы қызметін атқарған Асылбек Шәменов президент әкімшілігінің мемлекеттік инспекторы қызметіне ауысты.

Серік Салауатұлы мемлекеттік қызметте ысылған маман. Облыстан бөлек бірнеше министрлік пен президент әкімшілігінде жемісті еңбек етті. Сондықтан қалалық мәслихат депутаттары аймақ басшысы ұсынған кандидатураны бір ауыздан мақұлдады. Мұнан соң тағайындалған лауазым иесі қала активіне таныстырылып, алда атқаруға тиіс нақты міндеттері айтылды.

НҰРЛЫБЕК НӘЛІБАЕВ – ОБЛЫС ӘКІМІ //Серік Салауатұлының көп жылғы тәжірибесі мен түрлі салаға жетекшілік еткен кезеңдеріндегі сапалы жұмысын ескеріп, жедел әрі жүйелі шешім қабылдайтын, кез-келген іске жоғарғы талап қоятын қабілетін ескере келе, Қызылорда қаласының әкімі қызметіне тағайындау туралы шешім қабылдадық...//

Серік Салауатұлына бұл сүрлеу бөтен емес. Араға 15 жыл салып қала әкімі қызметіне қайта кірісті. Ол тұста облыс орталығына 1 жыл ғана жетекшілік еткен еді. Жиында қала әкімі сол кезеңде көңілге түйілген көп іс аяқсыз қалғанын жасырмады. Енді шаһарды шырайландыруға білек сыбана кіріспек.

СЕРІК ҚОЖАНИЯЗОВ – ҚАЛА ӘКІМІ //Қызылорда қаласы республикада ең жақсы дамып келе жатқан, тұрғындарға қолайлы өмір сүру жағдайы жасалған таза қалаға айналды. Оны аймаққа іс сапармен келген президентіміз де растады.../

Актив отырысында 2 жылға жуық шаһар басшысы қызметін атқарған Асылбек Шәменовті әріптестері зор құрметпен шығарып салды. Енді ол Елорда төрінде президент әкімшілігінің мемлекеттік инспекторы қызметін атқармақ. Облыс әкімі аймақ дамуына елеулі үлес қосқаны үшін Асылбек Өмірбекұлына алғыс білдіріп, облыстың «Құрмет» грамотасын табыстады.

АСЫЛБЕК ШӘМЕНОВ – ҚР ПРЕЗИДЕНТІ ӘКІМШІЛІГІ МЕМЛЕКЕТТІК БАҚЫЛАУ БӨЛІМІНІҢ МЕМЛЕКЕТТІК ИНСПЕКТОРЫ //Осы еңбек жолымда үлкен белес, жоғарғы қызметім деп білемін. 00:59 Қанша инфроқұрылымдар тартылды, қанша үй құрылысы жүргізілді, жол инфроқұрылымы жүргізілді осының бәріне өзіңіздің жақсы қолдауыңыз болды/

Жиында мәжіліс депутаттары мен қоғам қайраткерлері Асылбек Өмірбекұлы мен Серік Салауатұлын құттықтап, жаңа қызметтеріне сәттілік тіледі.

Сайт - https://qyzylordatv.kz/ru/live
Facebook - https://www.facebook.com/qyzylordatv/
VK - https://vk.com/qyzylordatv
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/