Қарағандыдағы мектептердің бірінде ауа сапасын жақсартатын құрылғылар орнатылып жатыр

21 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Sep 8, 2026

Қарағандыдағы мектептердің бірінде ауа сапасын жақсартатын құрылғылар орнатылып жатыр. Рекуператорлар бөлмедегі жылуды ұстап тұруға мүмкіндік береді. Сынақ ретінде жүзеге асырылып жатқан жобаға Halyk Bank демеуші болған. Сондай-ақ, қаржы ұйымы «Мектепке жол» бағдарламасына да қолдау көрсеткен.
Сынақ ретінде енгізіп жатқан жоба Майқұдықтағы №65 мектепте қолға алынды. Себебі, білім ордасының салынғанына 60 жылға жуықтаған. Қазір білім ошағының электр желілері мен желдету жүйесі толығымен жаңартылып жатыр.
ӘЛІБЕК ӘЛДЕНЕЙ, Қарағанды облысы әкімінің орынбасары:
Қабылданған Конституциямызда білімге, ғылымға, адами капиталды дамытуға ерекше көңіл бөлінген. Осы тұрғыдан біз тек қана бала бара жатқанда мектепке, тек қана дайындығы ғана емес, сол мектептің іштей қаншалықты дайын екеніне ерекше көңіл бөліп отырмыз.
Мектеп 1200 оқушыға шақталған. Алайда мұнда 1500 бала білім алады. Оқушы санының көптігі сыныптардағы ауа сапасына да кері әсер етеді. Сондықтан рекуператорларды ескі кабинеттерге қою өте маңызды дейді директор.
ГАУХАР МАСАЛИМОВА, №65 жалпы білім беретін мектептің директоры:
Кабинеттері бұрынғы талапқа сай салынған. Өте тар. Сондықтан вентиляция әр кабинетке, дәлізге және оқушыларға өте қажет. Микроклиматты реттеп тұрады.
Жаңа құрылғылар мектептегі ауаны тазартып қана қоймай, жылуды ұстап тұруға да мүмкіндік береді. Сынақ ретінде жүзеге асырылып жатқан жобаға Halyk Bank қаржыландырған.
КИРИЛ БАЧВАРОВ, HALYK BANK басқарма төрағасының орынбасары:
Балалардың білім алу үдерісінде тек педагогтер мен мұғалімдердің кәсіби білімі мен біліктілігі ғана маңызды емес. Сонымен қатар, ұл-қыздардың көп уақытын өткізетін білім беру ортасының жағдайы да аса маңызды рөл атқарады.
Рекуператорлардан бөлек, банк қаладағы көпбалалы отбасылардан шыққан 30-дан астам балаға ортопедиялық мектеп сөмкелері мен оқу және кеңсе құралдарының жиынтығын табыстады. Сонымен қатар, мұндай көмек Қазақстан бойынша тағы 3,5 мың оқушыға көрсетілді.

#Информбюро #31арна #БастыЖаңалықтар #Новости #31канал