Қарағандыдағы сәби саудасы: сот үкімі шықты

4 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jul 20, 2025

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Қарағандыда сәбилер саудасына қатысты қылмыстық іске нүкте қойылды. Нәрестелерді алған ерлі-зайыптыларға 8 жыл шартты түрде жаза кесілді. Ал бөбектерді сатты деп айып тағылған биологиялық анасы 5 жылға бас бостандығынан айырылды. Ең ауыр жаза перзентхана мейірбикесіне берілді. Ол 8 жылға абақтыға қамалды. Ал балалардың тағдыры қамқоршылық кеңесте шешіледі.
Қоғамды дүр сілкіндірген бала саудасына қатысты тергеу 2023 жылдан бері жүргізілді. Ағымдағы жылдың ақпанында басталған сот процесінің соңғы отырысында оқылған үкіммен айыпталушылар келіспей отыр. Іс бойынша ерлі-зайыпты қос жұп, баланың биологиялық анасы мен мейірбике өзара келісіп, әр бөбекті 3 миллион теңгеден саудалаған деген дерек айтылды. Алайда тараптар нәрестелерді сый ретінде бергенін дәлелдеді. Десе де, айыпталушылар кінәлі екендіктерін түсініп, өкінетіндіктерін жеткізді.

ДУЛАТ БУРАБАЕВ, СУДЬЯ:
- Айыпталушыларды қылмыстық жауапкершіліктен босатуға құқықтық негіз жоқ. Өйткені олар өз еркімен келіп, мойындаған жоқ. Қылмыстық Кодекстің 65-бабына сәйкес қылмыстық істің ашылуына көмектеспеді.

Іс қорытындысы бойынша 4 баласы бар 41 жастағы биологиялық ана 5 жылға сотталды. Перзентхана мейірбикесі 8 жылға абақтыға жабылды. Олар сот залынан бірден қамауға алынды. Ерлі-зайыптылар болса 8 жыл жазаны шартты түрде өтейді. Бұл ретте 3 жасар қыз бен 2 жасар ұл бала кімнің қамқорлығына өтетіні белгісіз күйде қалып отыр. Бөбектерді босанған анасының тағы кәмелетке толмаған 2 қызы да қараусыз қалмақ.

АЛМАС АБДАКАСОВ – АДВОКАТ:
- Біз осы жайттарды саралап, зерделеп, жоғарғы инстанцияға шағым түсіреміз. Жоғарғы инстанцияда іс қайта қаралып, нүктесі қойылады деп ойлаймын. Заңға сәйкес балалар құқықбұзушылыққа барған кінәлі тұлғалардың қарауында қала алмайды.

Бұл жағдайда бәрінен бұрын балалардың жай-күйі алаңдатады. Тергеу мен сот процесі жүрген 2 жылда балғындар бақытты балалық шақтан айырылды. Үлкен қыз алғашында бейімдеу орталығында тәрбиеленді. Ол жақтан ауыр психологиялық соққы алғандықтан қайтадан өгей ата-анасына берілді. Енді алдағы тағдыры не болмақ? Ол жағы әзірге беймәлім.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал