Қарағандыда коммуналдық инфрақұрылым жаңғыртылып жатыр

22 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 17, 2026

Қарағанды «Энергетикалық және коммуналдық секторларды жаңғырту» ұлттық жобасын іске асыру бойынша көшбасшы облыстардың қатарында. Теміртауда 312 көппәтерлі үйді жылумен қамтамасыз ететін 8 шақырым жылу магистралі қайта жаңғыртылып жатыр. Ал облыс орталығында жарты ғасырдан астам уақыт пайдаланылып келген негізгі жылу желілері жаңартылады. Атқарылып жатқан жұмыстармен Премьер-министрдің орынбасары Қанат Бозымбаев танысты.
Теміртауда қаланың ең көне жылу магистралі жаңғыртылып жатыр. Өткен ғасырдың 60-шы жылдары қолданысқа берілген жылу желісінің әбден тозығы жеткен. Соңғы бес жылда 38 рет жарылған. Желіге 312 көпқабатты үй, сондай-ақ 22 әлеуметтік нысан қосылған. Ұлттық жоба аясында магистральдің 8 шақырымнан астам құбыры жаңартылып жатыр.
Қанат Бозымбаев Қарағандыдағы коммуналдық инфрақұрылымның негізгі нысандарын да аралады. Қазір кеншілер шаһарындағы су тазарту кешені араға 50 жыл салып қайта жаңартылып жатыр. Нысан жабдықтарының 80 пайызы тозған. Сонымен қатар қаланың едәуір бөлігін жылумен қамтамасыз ететін екі ірі жылу магистралінде құрылыс қарқын алды. Жөндеу жұмыстары аяқталғанда оған жаңа үйлер, әлеуметтік және бизнес нысандарын қосуға мүмкіндік пайда болады.

#хабар24 #казахстан #жаңалықтар #новости