ҚарИУ-да Тұрақты технологиялар және жасыл даму орталығы (Green Deal Center, GDC) ашылды.

6 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Dec 1, 2025

25 қараша күні Қарағанды индустриялық университетінде Тұрақты технологиялар және жасыл даму орталығы (Green Deal Center, GDC) ашылды. Ол 2024–2027 жылдарға арналған ERASMUS+ халықаралық «Орталық Азия университеттері үшін жасыл келісім (GDCAU)» жобасы аясында құрылды. Жоба Орталық Азия университеттерінің тұрақты даму саласындағы рөлін күшейтуге және Еуропалық жасыл курсқа ықпалдасуға бағытталған.
Жобаның негізгі міндеттері — тұрақты даму саласындағы білім беру бағдарламаларын жаңарту, жоғары оқу орындарының ESG-көрсеткіштерін жақсарту және университеттер, бизнес пен қоғамдық құрылымдар арасындағы серіктестікті дамыту. Жаңа Орталық Орта Азия елдері мен ЕО арасындағы коммуникация, тәжірибе алмасу және экологиялық бастамаларды ілгерілету үшін байланыс орталығы болмақ.
Мұнда білім беру және ғылыми жобалар жүзеге асырылады, кәсіпорындардың экологиялық тұрақтылығы бағаланып, олардың «жасыл экономикаға» көшуіне қолдау көрсетіледі. Жоба Германия, Словакия, Австрия, Өзбекстан, Қырғызстан, Тәжікстан және Түрікменстан оқу орындарын қоса алғанда, Еуропа мен Орталық Азия университеттерін біріктіреді.
Орталықтың ашылуы инновациялық экологиялық шешімдерді дамытуға, экологиялық сананы арттыруға және өңірдің халықаралық білім кеңістігіндегі позицияларын нығайтуға маңызды қадам болды.
#ТазаҚазақстан