ҚарИУ-деТүркістан облысының Қоғамдық даму департаменті делегациясының қатысуымен жұмыс кездесуі өтті

17 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Feb 2, 2026

27 қаңтар күні ҚарИУ-де Түркістан облысының Қоғамдық даму департаменті делегациясының қатысуымен жұмыс кездесуі өтті. Іс-шара «Серпін-2050: Мәңгілік ел жастары – индустрияға» мемлекеттік бағдарламасы аясында ұйымдастырылып, аталған бағдарлама бойынша «Қарағанды индустриялық университеті» КЕАҚ-да білім алып жатқан Түркістан облысынан келген студенттермен кездесуге арналды.
Кездесу барысында студенттердің бейімделу мәселелері, оқу және тұру жағдайлары, сондай-ақ түлектерді одан әрі жұмысқа орналастыру перспективалары талқыланды. Делегация өкілдері студенттермен еркін форматта әңгімелесіп, олардың оқу үлгерімі, тұрмыстық жағдайлары және оқу барысындағы әсерлері туралы сұрастырды. «Серпін-2050» бағдарламасының еліміздің оңтүстік өңірлерінен шыққан жастарды қолдауда маңызды рөл атқаратыны және Қазақстанның кадрлық әлеуетін теңгерімді дамытуға ықпал ететіні атап өтілді.
Кездесудің негізгі оқиғасы – ынтымақтастық туралы бірлескен меморандумға қол қойылуы болды. Аталған құжат білім беру саласындағы өзара іс-қимылды нығайтуға, студенттерді қолдауға және бірлескен жобаларды дамытуға бағытталған.
Іс-шара соңында қонақтар үшін ҚарИУ бойынша экскурсия ұйымдастырылды. Делегацияға оқу аудиториялары, зертханалар мен университеттің инфрақұрылымы таныстырылып, оқу орнының ғылыми және білім беру қызметі туралы ақпарат берілді.