Қар жауып, боран соғады: 6 қаңтарға ауа райы болжамы

5 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jan 6, 2026

Қазгидрометтің мәліметінше, алтыншы қаңтарда еліміздің көптеген өңірінде қолайсыз ауа райы күтіледі. Қар жауып, бұрқасын соғады, тұман түсіп, жолдарда көктайғақ болады. Бірқатар аймақта жел күшейеді.

Астанада алтыншы қаңтарда қар жауып, бұрқасын жүреді. Күндіз көктайғақ болады. Жел оңтүстік-батыстан соғып, жылдамдығы он бес–жиырма метр секундқа дейін, кей сәтте жиырма үш метр секундқа жетеді.

Солтүстік Қазақстан, Ақмола, Қостанай, Павлодар облыстарында қалың қар жауып, бұрқасын күтіледі. Жолдарда көктайғақ болады. Желдің екпіні он бес–жиырма метр секунд, кей өңірлерде жиырма үш–жиырма сегіз метр секундқа дейін күшейеді.

Шығыс Қазақстан, Абай облыстарында қар жауып, бұрқасын соғады, кей жерлерде тұман түседі. Желдің жылдамдығы он бес–жиырма метр секунд, күндізгі екпіні жиырма бес метр секундқа дейін жетуі мүмкін.

Батыс Қазақстан, Ақтөбе облыстарында қар мен жаңбыр аралас жауын-шашын күтіледі. Тұман түсіп, көктайғақ болады. Желдің екпіні он бес–жиырма метр секунд.

Атырау, Маңғыстау, Қызылорда облыстарында тұман түсіп, кей жерлерде көктайғақ байқалады. Атырау облысының кей аумақтарында түнде желдің екпіні он бес–жиырма метр секундқа жетеді.

Қарағанды және Ұлытау облыстарында қар жауып, бұрқасын жүреді, кей уақытта тұман түседі. Жел оңтүстік-батыстан соғып, жылдамдығы он бес–жиырма метр секунд болады.

Жамбыл, Түркістан, Жетісу облыстарында және таулы аймақтарда тұман мен көктайғақ күтіледі. Кей жерлерде желдің екпіні он бес–жиырма метр секундқа дейін жетеді.

Синоптиктер жүргізушілер мен жаяу жүргіншілерге жолда аса сақ болуды ескертеді. #news #қазгидромет #ауарайы