Қаһармандарға алғыс білдіре отырып

10 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Теміртауда Ұлы Отан соғысындағы Жеңістің 80 жылдығына арналған салтанатты іс-шаралар жалғасуда. Ардагерлер мен тыл еңбеккерлерін құттықтау қала бойынша өтуде.
Ұлы Жеңістің 80 жылдығы қарсаңында Теміртау қаласында бірқатар естелік шаралар ұйымдастырылуда. Бүгінде Теміртауда Ұлы Отан соғысының көзі тірі жалғыз ардагері – Николай Семёнович Куриленко ғана қалды. Сонымен қатар қалада 600-ден астам тыл еңбеккері тұрады. Ұлы мереке құрметіне орай Теміртау қалалық мәслихатының төрағасы Алексей Ломакин ардагерлерді жеке өзі құттықтап, оларға сыйлықтар мен ең бастысы – Қазақстан Республикасы Президентінің Ұлы Отан соғысындағы Жеңістің 80 жылдығына арналған мерейтойлық медальді табыс етті.
Алексей Ломакин, Теміртау қалалық мәслихатының төрағасы: «Бұл – әрқайсымыз үшін аса маңызды оқиға. Батыр бабаларымыздың ерлігі мен жанқиярлығын болашақ ұрпаққа жеткізу – біздің парызымыз. Құттықтаулар әлі де жалғасуда және біз 10 мамырға дейін тыл еңбеккерлерін құттықтайтын боламыз. Сондықтан баршаңызды мерекемен құттықтаймын! Ашық аспан, амандық тілеймін!».
Мерейтойлық медальдар табыс етілу аясында, "Romantic" гүлдер дүкенінің қолдауымен, ардагерлер мен ұзақ жасаған қарияларға гүл шоқтары мен сыйлықтар табыс етілді.
Анна Малютина, "Romantic" гүлдер дүкенінің өкілі: «Біз әрқашан қалалық іс-шараларға қатысуға тырысамыз, және биыл Ұлы Жеңістің 80 жылдығына арналған бұл акциядан тыс қалмадық. Сондықтан өз алғысымызды гүл арқылы білдірдік. "Romantic" гүлдер орталығы ардагерлерімізге және тыл еңбеккерлеріне шынайы алғыс білдіреді».
Бұл акция – үлкен буынның ерлігіне, жанқиярлығына және еліміздің бейбіт болашағына қосқан үлесіне деген терең құрмет пен алғыстың белгісі болды.
Категория
Караганда
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА