Қоғамдық орындарда камераларға адамның бет-бейнесін тану үшін жасанды интеллект енгізіледі.

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Елімізде қоғамдық орындарда орнатылған камераларға адамның бет-бейнесін тану үшін жасанды интеллект енгізіледі. Яғни, бейнебақылау камералары азаматтың сұлбасын сканерлей отырып, жеке дерегін анықтай алады. Жаңа жүйе хабар-ошарсыз кеткен жандар мен мемлекетаралық іздеуде жүрген қылмыскерлерді ұстауға бағытталған. Әзірге жоба Алматы мен Атырау қалаларында іске асырылған. Адамның бет-әлпеті арқылы жеке дерегін танитын жасанды интеллектің тағы қандай мүмкіншіліктері бар? Құрылғы құқық қорғау органдары қызметкерлерінің жұмысын жеңілдете ме? Диана Тұрлыбектің бейнематериалында
ДИАНА ТҰРЛЫБЕК, тілші:
- Жасанды интеллект адамның бет-кескінін сараптап, оны базадағы үлгілермен салыстырады. Жүйе кісінің жүзін жақындатып, алыстатып, әр бұрыштан сканерлейді. Тіпті, азамат бетперде киіп тұрса да камера оны танып, жеке дерегін анықтайды.
Осылайша жасанды интеллект арқылы бас прокуратура 53 қашқынды анықтап, полицияға тапсырған. Бүгінде жүйе Алматы және Атырау қалаларындағы 60 мың бейнебақылау камераларына енгізілген. Мамандардың айтуынша, таптырмас құрал тек қылмыскерлерді анықтап қана қоймай, хабар-ошарсыз кеткен жандарды да табуға сеп болған.
САЯТ АБДЕНОВ, ҚР бас прокуратурасының ресми өкілі:
- Аталған IT-технологиялардың арқасында қылмыскерлерді ұстау апта сайын жүргізіледі. Екі күн ішінде тергеуден жасырынған 2 адам және хабар-ошарсыз кеткен 2 адам танылды. Жасанды интеллект көмегімен жас пен сыртқы түрінің өзгеруіне қарамастан, камералар арқылы адамдарды табуға болады, бұл іздеу жұмыстарын едәуір күшейтеді
Ал, жаңашылдыққа қатысты халық пікірі екіге бөлінді. Бірі жаңа жүйе қылмыскерлер мен борышкерлердің санын азайтуға көмек десе, енді бірі бұнымен келіспейді.
- Өте дұрыс, өте дұрыс. Көбірек қою керек бұндай фейс айдиды. Бет-әлпетін танып жатса мен қолдаймын ондайды.
- Заң бойынша ол дұрыс. Потому что қалай табасың расымен ондай адамдарды, камераға түсті, міне мысалы мында. Тапты, ұстады.
- Іздестіру шаралары басқалай да жүру керек кой. Іздестіруді атқаратын органдар бар. Солар өздері нету керек, әйтпесе бәрімізді бақылап отырса, не болғанымыз?
- Бұрынғыдай сурет салып, іздемейді. Дамыған заманда сол дұрыс қой.
Ресми мәліметке сүйенсек, бүгінде елімізде 9 мыңнан астам адам іздеуде жүр. Оның 2 жарым мыңға жуығы қылмыскер. Сондықтан, бас прокурор цифрландырылған жүйені барлық өңірлерге енгізуді тапсырды.
Диана Тұрлыбек, Думан Сүлейменов, Информбюро, Алматы.
-----------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық