Қызылжармада 11 көше жөнделеді

Биыл Қызылжарма ауылдық округінде 11 көшеге жөндеу жұмыстары жүргізіледі. Сондай-ақ, тозығы жеткен электр желілерін жаңғырту жоспарда бар. Тұрғындардың талабына орай тазалыққа да айрықша мән берілмек. Қалаға іргелес ауылдағы байырқалы бастама турасында тілшіміз сабақтайды.

Қызылжарма ауылдық округінде 9 мыңнан астам халық тұрады. Елді мекеннің іргесі жыл өткен сайын кеңейіп келеді. Тиісінше әлеуметтік мәселелер де түрлене түсері белгілі. Ауыл көшелері тозып, электр желілері де әбден көнерген. Алдағы 4 жылда осы түйіткілдің түйінін тарқату көзделіп отыр. Әуелі 11 көше жөнделеді.

ШӘРІП ӘБДІРАХМАНОВ – ҚЫЗЫЛЖАРМА АУЫЛДЫҚ ОКРУГІНІҢ ӘКІМІ
Қазір қалалық құрылыс бөлімі арқылы 617 млн 345 мың теңгеге округтегі 22 көшеге талапқа сай электр желісін жүргізілуде. 2024 жылы осы жоба бойынша 179 млн теңге игерілді. Жобаны «Сәт сервис» мердігер мекемесі жүргізді. Аяқтау үшін биылғы жылға 363,8 млн теңге қаралды.

Биыл қалаға қанаттас ауылда 22 көшенің электр желісін жаңғырту көзделген. Сондай-ақ, 3 көшеге аялдама орнатылады. Қызылжармада тазалық мәселесі ақсап тұр. Көшелерге қоқыс жәшіктері мүлде қойылмаған. Мұны ауыл әкімі де жасырмады. Дегенмен биыл тазалық мекемесімен келіссөз жүргізіліп, кілтипанның кілті табылмақ.

ШӘРІП ӘБДІРАХМАНОВ – ҚЫЗЫЛЖАРМА АУЫЛДЫҚ ОКРУГІНІҢ ӘКІМІ
Ауылдың тазалығын қоғамдық жұмысшылар бар бізде солар арқылы ұстап отырмыз. Жәшіктерді біз қоймайтын себебіміз де бар. Себебі, тұрғындар қоқысын тастап кете береді... Қазір қозғалыс басталды, әр үймен келісімшартқа отырып, арнайы график бойынша көшедегі қоқысты тазалық мекемесі алып кетіп отырады/

Шағын ауылда кәсіпкерлік саласында серпін бар. Тұрғындар тыңнан түрен салу жолында мемлекеттік бағдарламалардың көмегіне сүйенген. Мәселен, былтыр 14 азамат қайтарымсыз грантқа қол жеткізсе, биылдың өзінде 20-ға жуық тұрғын жаңашыл жобасын ұсынып үлгеріпті.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylorda_tv
Tiktok -https://www.tiktok.com/@qyzylorda_tv/