Қызылордадағы 42 жекеменшік балабақша жабылуы мүмкін

4 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 11, 2025

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Қызылордада 42 балабақша жабылуы мүмкін. Қалалық білім бөлімі жекеменшік тәрбие ошақтарын қаржыландыруды тоқтатты. Мемлекет қолдауынан қағылған мектепке дейінгі білім беру ұйымдарының 400-дей өкілі жұмыссыз қаламыз деп дабыл қағуда.
Өткен сәуір, мамыр айларында қаладағы 214 балабақшаға мониторинг жүргізіліп, бірқатар кемшілік анықталған. Қалалық білім бөлімі бөбекжай иелеріне олқылықтарды түзеуге уақыт берген. Мектепке дейінгі мекеме меңгерушілері ескертулер бойынша тиісті жұмыстар істегенімізбен шешім бір жақты қабылданды деп отыр.

МАҚПАЛ БАЙМЕНОВА, БАЛАБАҚША МЕҢГЕРУШІСІ:
- Мемлекеттік тапсырыс тоқтатылды деп берді. Бірақ бұл мемлекеттік актіде басқа сөздер, ал қорытындыда басқа сөздер жазылған. Әкелген мәліметтерді ат үсті қараған. Заңсыз екені көрініп тұр. Заңға қайшы жұмыс жасап отыр.

ҚАЗЫНА ОСПАНОВА, БАЛАБАҚША МЕҢГЕРУШІСІ:
- 6 мың ата-ана мен 400 қызметкер осы жерге келсе қандай жағдайда болады. Барлығының кредиті бар. Бір айлыққа қарап отырған көпбалалы аналар бар.

Білім бөлімі өкілдері 42 балабақшаға мемлекеттік тапсырыстың тоқтатылатынын растады. Қабылданған шешімнің заңды екенін алға тартып, анықталған кемшіліктерді тізбелеп берді.

БАҒДАТ БЕРДӘУЛЕТОВ, ҚББ БАСШЫСЫНЫҢ МІНДЕТІН АТҚАРУШЫ:
- Қол жуғыштарды скочтап тастаған. Суы ақпайды. Жылы су түгілі мұздай суда ақпайды. Сынық унитаздар, келіп тұрған иісі. Бала көптігінен оны матрасты жерге тастап, паласқа жатқызып қойған. Басқа балабақшаға орналасуға мүмкіндік болады. Жұмысшыларына да бос орын отырған балабақшаларға ұсыныстарын береміз.

ҚАМБАР БЕКЕНОВ, ТІЛШІ:
- Кәсібі құлдыраған балабақша меңгерушілері мен жұмыссыз қалған қызметкерлер білім бөлімінен көңілдеріне демеу болар нақты жауап ала алмадық дейді. Бір жақты бұзылған келісімшартты да заңсыз деп есептейді. Сондықтан құзырлы орындар мен жауапты министрлікке шағымданбақ.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал