Қызылордада газ құйған автокөлік жарылып, жүргізуші ауыр жарақат алды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Қызылордада бекеттен сұйытылған газ құйған автокөлік жарылып, жүргізуші ауыр жарақат алды. Әп-сәтте тұтанған жалыннан 60 жастағы жігіт ағасының беті мен екі қолы қатты күйіп қалған. Ал зардап шеккен азаматтың туыстары оқыс оқиғаға станция қызметкерінің салғырттығы себеп болды дейді. Айтуларынша, ол көліктің багына құрылғыны дұрыс орнатпай, газ салонның ішіне тараған. Содан темір тұлпар оталған сәтте жарылыс болған.
Жарылыс үш күн бұрын тапа-тал түсте қала орталығындағы газ құю станциясында болған. Айналасын шарпыған алапат өрт тұрғындардың үрейін ұшырған еді.
АБАЙ НҰРЖАНҰЛЫ, тілші:
- Бекетте газ құйылғаннан кейін жарылған автокөліктің қазіргі күйі мынадай. Сау жері жоқ, күл-талқан болған. Жарылыстың қаншалықты қатты болғанын осыдан-ақ білуге болады. Қайта 60 жастағы жүргізуші Сұлтанхан Қауленов салонға от лап бергеннен сыртқа шығып үлгерген екен.
Бейнебақылау камерасына жазылған видеодан жігіт ағасы газ толтырып болған соң көлігін оталдырғаны көрінеді. Осы сәтте салонда қызыл жалын тұтанады. Сұлтанхан Қауленов далаға шыққанымен беті мен қолдарының терісі қатты күйген. Ал жүргізушінің жақындары бекет қызметкері сұйытылған газдың көлік салонына кіріп жатқанын ескермеген дейді.
ҒАЛЫМ ҚАУЛЕНОВ, жүргізушінің туысы:
- Пистолетті дұрыс салмаған. Ағамның айтуынша ішінде газ бар еді дейді. Ішіне 10-ақ литр кететін. Полный құя салайын деген, 33 литр кетіпті. Анау заправчик телефон қарап отырды дейді. Оказывается ол газ деген салонға ұрған. Сөйтіп ағам кілтін ашқанда, стартер искра берген кезде жарылған.
Ал станция басшылары газ құятын мамандар жұмысқа қабылданбас бұрын қауіпсіздік ережелерін толықтай меңгереді дейді. Оның үстіне құрылғылардан ақау болуы мүмкін емес деп отыр.
РҮСТЕМ АҚЫШБАЙ, "ҚЫЗЫЛОРДА МҰНАЙ ӨНІМДЕРІ" ЖШС директоры:
- Жанармай бекеттерінде тұрған құрылғылар туралы айтып өтейін. Олардың барлығы сертификатталған. Завод Россиядан аламыз. Олар бәрі автоматикамен жұмыс істейді. Пистолеттің газды сыртқа жіберу жағдайы мүлдем мүмкін емес. Зардап шеккен ағаймен де қарым-қатынастамыз.
Қазір осы оқиғаға байланысты сараптама тағайындалған. Ал, Сұлтанхан Қауленов әлі де ауруханада ем қабылдап жатыр. Бет терісінің қатты күйгені соншалық өздігінен тамақ іше алмайды дейді туыстары. Сондықтан құзырлы органдарға шағымданамыз деп отыр.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық