Қызылордада оқушы қызды сексуалды құлдықта ұстаған 9 адамға сот үкімі шықты

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Қызылордада оқушы қызды сексуалды құлдықта ұстаған 9 адамға сот үкімі шықты. Жеңгетайлықпен және бопсалаумен айналысып, жас өскінді теріс әрекетке итермелегендердің бесеуі – кәмелетке толмаған жасөспірім. Сонымен 16 жастағы қызды азаптап, жезөкшелікке итермеледі деп айып тағылғандарға 4 жыл 8 айдан бастап 7 жарым жылға дейін бас бостандығынан айыру жазасы тағайындалды. Сотталған жасөспірімдер кәмелетке толмағандарға арналған колонияға жөнелтіледі. Қалғандары қылмыстық атқару жүйесінің орташа қауіпсіздіктегі түзеу мекемесінде жазасын өтейді.
ҚАМБАР БЕКЕНОВ, ТІЛШІ:
- Өткен жылдың тамыз айында басталған сот процесі бүгін бітті. Айыпталушылардың ата-аналары мен 16 адвокат сот отырысына бұқаралық ақпарат құралдары өкілдерінің қатысуына қарсы болып, шу көтерді. Тіпті тәртіп сақшыларымен жаға ұстасуға дейін барды.
Еске сала кетсек, жоғары сынып оқушысы жарты жылдан астам мәжбүрлі түрде жезөкшелікке салынған. Оның тәнін саудалаған сыныптастары мен құрбылары болып шықты. Қыз баланың «қызметін» 200-ден астам еркек пайдаланған. Олар ақшаны күдіктілердің бірінің анасының есепшотына аударып отырыпты. Бұдан күдіктілер 10 миллионнан астам теңге пайда тапқан көрінеді. Айыпталушылардың кінәсі түрлі дәлел-дәйекпен дәлелденді. Қоғамды дүр сілкіндірген істің ақ-қарасын анықтаған судья кәмелетке толмағандарға қатысты жеңілдетілген мән-жайлар ескерілгенін айтады.

СӘБИТ РҮСТЕМОВ, СУДЬЯ:
- 10 жылға дейін жаза көзделген. Соның 6 жыл 8 айынан асыруға болмайды. Сондықтан 6 жыл 8 ай. Оның ішінде 7 жыл көзделгендер де бар. Үшеуіне қатысты 7 жыл көзделген. Оларды 4 жыл 8 айдан асыруға болмайды. Сондықтан 4 жыл 8 ай берілді. Ең жоғарғы жаза осылар.

ҚАМБАР БЕКЕНОВ, ТІЛШІ:
- Жалпы бұл іс бойынша 9 адам айыпталды. Оларға кінәсіне қатысты кемі 4 жыл 8 айдан, 7 жарым жылға дейін жаза кесілді. Жеңгетайлықпен және бопсалаумен айналысқандардың бесеуі – жасөспірім. Сондықтан кәмелетке толмағандар арнайы колонияға жөнелтіледі. Қалғандары қылмыстық атқару жүйесінің орташа қауіпсіздіктегі түзеу мекемесінде жазасын өтейді.
Айта кетейік, осы іс бойынша бұған дейін бес адам сотталған болатын.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал