ҚЫЗЫЛОРДАДА ҚАНДАЙ ЖОБАЛАР ІСКЕ АСҚАЛЫ ТҰР?

Қызылордаға Италия, Испания, Түркия, Катар мемлекеттерінен инвестиция тартылып, бірлескен жобалар іске асқалы отыр. Нақты қандай жобалар және олар қандай саланы қамтиды деген сұраққа жауапты тілшіміздің талдауынан біле аласыздар.

Биыл макроэкономикалық көрсеткіштер бойынша Қызылорда облысы «көшбасшылар» қатарынан көрінді. Жоспарланған 517 млрд теңгенің инвестициясының бүгінде 82%-ы игерілді. Енді бұл көрсеткіш одан әрі өскелі тұр. Өткен аптада облыс басшысы өндірісі өркендеген елдер – Италия, Испания, Түркия елдеріне жұмыс сапарымен барып келді. Енді қандай бағытта келіссөздер жүрді дегенге келсек. Өңдеу өнеркәсібіне маңыз берілген екен. Яғни, биохимиялық ерітінді, медициналық реагенттер, санитарлық-техникалық бұйымдар өндірісі, тері-жүн өңдейтін кәсіпорындармен байланыс орнады. Ал, «Абзал және К» компаниясы күріш өндірісін одан әрі дамыту бағытында екі италиялық компания - полюци трак системс және омодей заринимен келісімге қол қойды. Түркиялық арбел груп компаниясымен өңдеу өнеркәсібі бойынша ынтымақтастыққа қол жеткізді. Облыстың экономикалық әлеуетіне қатысты жобалар мұнымен шектелмейді. Және бір сүйінші хабар бар. Облыста қуаттылығы 1100 мвт құрайтын жауа бу газ қондырғысының құрылысы жоспарлануда. «Самұрық энерго» АҚ мен Катар елінің инвесторларымен келіссөз жүргізіліп, техникалық-экономикалық негіздемесі әзірленуде. Жаңа бу газ қондырғысы Қызылорданың Ұлытау облысына шыға беріс аумағына салынады. Бұл жұмыстарға 280 гектар жер аумағы бөлінді. Мұнымен қоса, «Қызылорда-Жезқазған» және «Қызылорда-Шымкент» аумағын қамтитын жоғары қуатты электр желілері салынатын болады. Яғни, жаңа бу газ қондырғысы еліміздің орталығы мен оңтүстігін жарықпен қамтиды деген сөз. Жоспарға сәйкес, жаңа станса 4 жыл ішінде іске қосылмақ. Пайдалы қазбаларды игеру бойынша да Үкімет тапсырмасы бойынша Арал аумағында литий құрамының өнеркәсіптік әлеуетін анықтау мақсатында геозерттеу жұмысы жүруде. Одан бөлек, «Баласауысқандық» ванадий кен орнында 15 336 тонна молибден қоры анықталып және де уран кен орындарында болжам бойынша 80 926 тонна селен қоры табылған. Бұл дегеніміз, облыстың болашағы жарқын болады деген сөз. Ел Президенті өз Жолдауында басымдық берген бағыт - экономикалық өсімге, қоғамдық оптимизмге осылайша қол жеткізілуде. Мұның бәрі тұрғындардың әл-ауқатының көтерілуіне, аймақта инвестклиматтың одан әрі жақсаруына жол ашатын жұмыстар.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/