Қызылордада 2 жасар бүлдіршіннің денесі балабақшада күйіп қалған

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Қызылорда қаласындағы жекеменшік балабақшаның қызметкерлері бүлдіршіннің денесінің 40 пайызын ыстық сумен күйдіріп алған. Аяқтары мен іш терісі күлдіреп кеткен екі жасар қыз қазір ауруханада жатыр. Кішкентай Еркежан Шардарбектің анасы кінәлілер тиісті жазасын алсын деп отыр. Шыр-пыр болған әйел тұңғышым жарақат алып, қиналған сәтте тәрбиешілер жедел жәрдем қызметін шақыруға да жарамады деп күйінеді.
Мамыр айынан бері балалар ауруханасында жатқан екі жасар Еркежан Шардарбектің денсаулығы әлі де оңала қоймапты. Бүлдіршіннің аяқтары, жамбасы мен іш терісі қатты қызарып, күлдіреп кеткен. Денесінің көп бөлігі күйіп қалған балақай түнімен ұйықтамай қиналып шығады екен. Ал анасы сап-сау қызын жуындырып жатып, ыстық суға күйдіріп алған балабақша қызметкерлерінің жазасы тым қатал болу керек деп санайды.
АЙНҰР АЙДАРБЕКОВА, Қызылорда қаласының тұрғыны:
Олар маған айтты қызды ұйқыдан тұрды. Үлкен дәретке шықты. И үстін бүлдіріп алған. И раковинаға жуындырдық дейді. Сол кезде Еркежан смистительді ашып жіберді дейді ыстық суды. Біз оған сенбейміз. Ондай 30-40 процент күйік алу ол аристоннан мүмкін емес.
Айнұр Айдарбекова балалар қауіпсіздігіне бей-жәй қараған жекеменшік бөбекжайдың басшысынан бастап тәрбиешілеріне дейін заң алдында жауап берсін деп отыр.
АБАЙ НҰРЖАНҰЛЫ, тілші:
- Балабақша басшыларының айтуынша қызметкерлер кішкентай Еркежан Шардарбектің денесін дәл осы қол жуғыштың ыстық суына күйдіріп алған. Сол сәтте бала күтушілердің өте салғырт әрекет еткенін басшылар мойындап отыр. Сондықтан оларды жұмыстан шығаруға тура келді дейді.
АҒЖАН АБДУЛЛАЕВА, "СЫР БОЛАШАҒЫ" балабақшасының меңгерушісі:
- Шомылдыру барысында өрескел қателік жасап, техникалық заңдылықты сақтамай, аристонның ыстық суына күйдіріп алып тұр. Аталған іс бойынша қазір қылмыстық іс қозғалып жатыр. Біздің тараптан сол оқиғаға байланысты екі тәрбиешінің көмекшісі еңбек заңнамасына сәйкес жұмыстан босатылды.
Қазір полицейлер “кәмелетке толмағандарды тәрбиелеу міндеттерін орындамау” бабымен тергеу жүргізіп жатыр. Ал Еркежанның анасы қыздың денесін қатты күйдірген қызметкерлер сол сәтте жедел жәрдем де шақырмаған деп күйінеді. Сондықтан тәрбие ошағында болған оқиға егжей-тегжейлі тексерілгенін қалайды.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық