Қызылордада 40 жуық жекеменшік балабақша жабылып қалудың алдында тұр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Қызылорда қаласында 40-қа жуық жекеменшік балабақша жабылып қалудың алдында тұр. Өйткені білім бөліміндегілер бөбекжай ғимараттары кәсіпкерлік нысан ретінде тіркелмеген деп қаржыландыруды тоқтатты дейді кәсіпкерлер. Мемлекеттен бөлінетін қаражатпен тәрбиешілердің жалақысын төлеп, бүлдіршіндерді азық-түлікпен қамтып отырған мектепке дейінгі мекемелердің басшылары ары қарай жұмыс істеуіміз екіталай деп отыр. Наразылық білдірген олар жыл басында жасалған келісімшартты шенеуніктер заңсыз бұзды деген пікірде. Толығырақ Абай Нұржанұлының материалында.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

"Балабақша ғимаратының құжаттары сай емес, сол үшін қаржыландыруды тоқтаттық” деген білім бөлімінің ескерту хаты кәсіпкерлердің төбесінен жай түсіргендей болыпты. Айтуларынша, мемлекеттен қаражат бөлінбесе, тәрбиешілер жалақысыз қалып, бүлдіршіндерді ас-ауқатпен талапқа сай қамту мүмкін емес. Яғни 40-қа жуық жекеменшік балабақша жабылады, мыңдаған қызметкер жұмыссыз қалады дейді шағымданушылар. Өйткені тек ата-аналар төлейтін ақымен бөбекжайдың жұмысын үйлестіру өте қиын екен.
ДИНАРА ӘМІРҚЫЗЫ, Жекеменшік балабақшаның құрылтайшысы:
– Біз осы қаражат арқылы ғимараттың жалға алу құнын төлейміз. Оның үстіне, бізде әлеуметтік аз қамтылған отбасылар көп. Солардың балаларын тегін тәрбиелейміз. Мемлекет бізді осылай қыспаққа алса, біздің жұмыс істеуге жігеріміз де қалмайды. Таратқан хаттары барып тұрған заңсыздық қой.
Бір қызығы, құрылтайшыларға бұған дейін ғимараттарды кәсіпкерлік нысан ретінде тіркеу туралы ескерту болмаған. Оның үстіне балабақшалардың жұмыс істеуіне санитар мамандар, өрт сөндіру қызметі рұқсат берген. Сондықтан кәсіпкерлер білім бөлімінің жыл басында жасалған келісімшартты жарты жолдан неліктен бұзғанын түсінбей әлек.
ГАУХАР СӘУЛЕБАЕВА, жекеменшік балабақшаның құрылтайшысы:
– Кезінде "Балапан" бағдарламасымен барлықтарының нысанасына қарамай балабақшалар ашылсын деді. Біз аштық. СЭС разрешениесін алып отырмыз. Кәсіпкер ретінде барлық салықтарды төлеп отырмыз. Енді 1-сәуірден бастап сіздердің қаражаттарыңыз тоқтатылады деген ақылға сыймайды. Заңға сыймайды.
Ал білім бөліміндегілер балабақшаларға хат жіберілгенімен, мемлекеттен қаржыландыруды тоқтату туралы нақты шешім қабылданбады деп отыр
Осылайша балабақша құрылтайшылары наразылықтарын айтып білім бөліміне келгенімен, шенеуніктер сұхбат беруден бас тартты. Бірақ кейін асығыс әрекетке барғандарын мойындады ма, әйтеуір қаржыландыруды тоқтату туралы хаттың күшін жойғандарын жеткізді. Яғни жекеменшік балабақша ғимараттарын кәсіпкерлік нысан ретінде тіркеу үшін құрылтайшыларға уақыт берілетінін жеткізді.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық