Қызылордалықтар қаланың шет аймағына көңіл бөлінбейтініне наразы

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Шет аймақтар өркениет игілігінен жұрдай. Қызылорда қаласындағы Беркехан тұйығының тұрғындары осылай дабыл қағып отыр. Көшеміздің саз балшығы үнемі езіліп жатады. 10 жыл бұрын ауыз-су, жарық пен газ құбырларын өздері тартып алған тұрғындар содан бері- жергілікті биліктен талапқа сай инфрақұрылым желілерін жүргізуді сұрап келеді. Бірақ әзірге баяғы жартас – сол жартас.
Негізгі қуат көзі көгілдір отын болғандықтан тұрғындар жылу маусымы аяқталғанша жанын шүберекке түйіп отырады. Себебі газ тарату құбырлары үйлердің арасымен жүргізілгендіктен қауіпсіздік талабы мүлдем сақталмаған. Одан бөлек ауызсу жүйесінің де қысымы өте төмен. Бағаналары қолдан тұрғызылған электр желілерінің де жағдайы мәз емес. Сәл жел тұрып, жаңбыр сіркіресе жарық жалп етіп өшеді.

ШОЛПАН БАЛМАҒАНБЕТОВА, ҚАЛА ТҰРҒЫНЫ:
- Біз бәріміз 500-600 мыңнан шығарып, әр жерден газ бен жарық тартып алып жатырмыз. Жарық 200 квт жан-жақтан тартылған. Бірде өшіп қалады, бірде жанбай қалады. Жол қисық-мисық. Қанша топырақ төксек те жер астына кетіп қалып жатыр.

ҚАСКЕРІМ СЕЙДЕКЕЕВ, ҚАЛА ТҰРҒЫНЫ:
- «Биыл қатырамыз, істеп береміз» деп 2014 жылдан бері айтып жүр. 2024 жылы да келіп кетті. Әлі істелген жоқ. Уәдесіне тойдық. Суды, газды, жарықты да арғы беттегі көрші көшелерден алып отырмыз.

Биыл қалада 34 учаскені газдандыру жоспарланған. Ол мамыр айында басталып, келесі жылу маусымына дейін аяқталмақ. «Бұл тізімге Беркехан көшесі енгізілді», - дейді жауаптылар. Оған әкімдік 330 миллион теңге бөліп қойыпты. Ал электр жүйелерін жүргізуге республикалық бюджеттен қаржы күтіп отырғандарын айтады.

ЖЕҢІСБЕК ФАЙЗУЛЛАЕВ, ҚАЛАЛЫҚ ҚҰРЫЛЫС БӨЛІМІНІҢ БАСШЫСЫ:
- Қаланың шет аймақтарындағы көшелерге 1,5 млрд теңге тұратын жоба әзірленген. Енді 2025 жылы республикалық бюджеттен қаржыландыруға ұсындық. Ол мамыр айында қаралады. Егер мамыр айында қаржы бөлінсе, биыл жүргізіледі. Қала бойынша ауызсу желілеріне жаңартылатын, реконструкциядан өтетін учаскілердің барлығына жобамыз дайын. Бұл жобада Беркехан көшесі бар.

Беркехан тұйығына қоныстанған 20 шақты отбасы: «Жергілікті билік қала орталығын сылап-сипай бермей, шет аймақтарға да жіті көңіл бөлсе», - дейді.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал