Қызылордалықтар өзеннен темір қайықпен өтіп жүр. Көпір неге салынбайды?

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Қызылорда облысында өзеннен өтетін көпір жетіспейді. Шиелі ауданының екі мыңдай тұрғыны дарияның арғы-бергі бетіне қайықпен қатынап жүр. Паром қызметін пайдаланып отырғандар да бар. Алайда қалқымалы пантон мұз қатып, сең жүрер кезде қатынамайды. Сөйтіп, барыс-келіс қиындайды. Өзекті мәселе қалай шешіледі? Жауапты мамандардың жоспары қандай?

Шиелі ауданындағы Қарғалы, Қызылқайың, Жуантөбе және Ботабай ауылдарының тұрғындары қауіпсіз темірбетон көпір қажеттігін ондаған жылдан бері айтып келеді.

КЕМЕЛ АБЫЗБАЕВ, ШИЕЛІ АУДАНЫНЫҢ ТҰРҒЫНЫ:
- Кеше темір қайықпен өткіздік. Бес-алты рейс жасадық. Қауіпті болғанымен, адам көпірден өтуі керек.
Дарияның арғы бетіне қоныстанған ағайынның мәселесін аудан әкімдігі жақсы біледі. Автокөлік көпірінің техника-экономикалық негіздемесі 2 жыл бұрын әзірленген. Алайда қаражат мәселесі шешілмей тұр.

ҒАБИТ АМАНЖОЛОВ, АУДАНДЫҚ ТҮКШ БӨЛІМІНІҢ БАСШЫСЫ:
- Облыстық басқарма арқылы жобалық құны 6 миллиард 783 миллион теңге тұратын көпірдің жұмысына қаржы іздестіріп жатырмыз. Қаржы бөлінген жағдайда жоба-сметалық құжаттамасы әзірленеді. Одан кейін тиісті құрылыс-монтаждау жұмыстары жүргізіледі.
Иә, өткел салу тек тұрғындар үшін ғана емес, ауданның дамуы үшін де маңызды. Өзеннің арғы жағында төрт түлік өргізген шаруашылық көбейген. Геологиялық барлау жұмыстары жанданып, қазба байлықтар кенішін игеру жобалары да қолға алынып отыр.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал