Қызылорда облысы көш бастап тұр

Елімізде 2024 жылдың қаңтар-ақпан айларындағы әлеуметтік-экономикалық даму қортындысы бойынша Қызылорда облысы аймақтар арасында көш басында келеді. Бұл туралы Премьер-министрдің орынбасары – Ұлттық экономика министрі Нұрлан Байбазаров Үкімет отырсында айтты. Сондай-ақ, Сыр өңірі өңдеу өнеркәсібі, инвестор тарту мен құрылыс саласында да алдыңғы қатарда, деді. Селектордан соң аймақ басшысы арнайы мәжіліс өткізіп, жауаптыларға жоғары көрсеткішті сақтап қалу керегін айтты.

Үкіметтік отырысында Қызылорда облысының инвестиция тарту, құрылыс қарқыны мен қалдықты қайта өңдеу ісі оң бағаланып, өзге өңірлерге үлгі ретінде ұсынылды. Премьер-Министр Экология және табиғи ресурстар министрлігіне Қызылорда облысының тәжірибесін басқа өңірлерге енгізуді тапсырды. Мұнан бөлек, жиында Сыр өңірі екі ай қорытындысымен жоғары даму көрсеткіштеріне қол жеткізгенін айтты. Аймақ басшысы Нұрлыбек Нәлібаев селектордан соң, жоғары жетістікке қол жеткізуге септігін тигізген сала басшыларына алғысын жеткізді.

НҰРЛЫБЕК НӘЛІБАЕВ – ОБЛЫС ӘКІМІ //Алдағы уақытта да қарқынды төмендетпеуіміз керек. Барлық сала бойынша оң көрсеткішке қол жеткізуге жұмыс жасауымыз қажет. Ол үшін бұл үнмеі бақылауда болу керек. Ендігі міндет – экономиканың өсім қарқынын және өз кірістеріміздің ұлғаюын, бюджеттің 100 пайызға игерілуін жыл бойы сақтап қалуымыз қажет.

Мұнан соң, жиында қатты тұрмыстық қалдықтарды қайта өңдеу мәселесі қаралды. Өйткені Үкімет отырысында Олжас Бектенов Қызылорда облысының қатты тұрмыстық қалдықтарды өңдеу саласындағы оң тәжірибесін де атап өткен болатын. Жалпы, облыста қатты тұрмыстық қалдықтарды өңдеумен 18 кәсіпкерлік субъектісі айналысады. Өткен жылы 166 мың тонна тұрмыстық қатты қалдықтың 45,7 мың тоннасы өңделген. Былтыр облыстық бюджеттен бөлінген 1 млрд 700 млн теңгеге қалдықтарды жинау, тасымалдау жұмыстарын атқаратын 49 арнайы техника алынды. Мемлекет басшысының тапсырмасына сәйкес аймақта алдағы 2 жылда құны 36 млрд. 400 млн теңгені құрайтын 9 жобаны іске аспақ. Аймақ басшысы жауаптыларға осы бағыттағы жұмыстарды ширатуды тапсырды.

НҰРЛЫБЕК НӘЛІБАЕВ – ОБЛЫС ӘКІМІ // Қазақстан Республикасы Экология және табиғи ресурстар министрлігімен «Жасыл Даму» акционерлік қоғамы арқылы 2024-2026 жылдары қатты тұрмыстық қалдықтар саласындағы жобаларды қаржыландыруға 200 млрд. теңге бөлінуде. Бұл қаржы инвесторларға 3 пайызбен 15 жылға дейін беріледі. Бюджет қаражатын үнемдеп, қатты қалдықтар саласын реттеуге жақсы мүмкіндік. Қазіргі таңда, облыс бойынша 8 жоба жинақталды. Ендігі кезекте осы жобаларды мерзімінде әрі сапалы орындалуын бақылауға алуымыз қажет. Бүгінгі күні жобаларды іске асыруға жер телімдерін бөлу, бизнес-жоспарларды дайындау жұмыстары жүргізілді.

Айта кетейік, жобалар толық жүзеге асқанда 498 тұрақты жұмыс орны ашылады. Жалпы, жылына 380 мың тоннадан астам қатты тұрмыстық қалдық сұрыптау және қайта өңдеуден өтеді. Қайта өңделген заттардан құрылысқа қажетті брусчатка, кәріз люктері, қағаз, пластик және шыны шығару жоспарлануда.

Сайт - https://qyzylordatv.kz/ru/live
Facebook - https://www.facebook.com/qyzylordatv/
VK - https://vk.com/qyzylordatv
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/