Қызылорда облысы Қармақшы ауданында жер дауы ушығып тұр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Қызылорда облысы Қармақшы ауданында жер дауы ушығып тұр. Жүздеген тұрғын күріш егумен айналысатын қожалықтағы жер үлестерін ала алмай сергелдеңге түскен. Айтуларынша шаруашылықтың төрағасы не түскен пайданы халықпен бөліспейді, не ауылға жағдай жасамайды. Енді өздеріне тиесілі жерге өнім егіп, күн көргісі келген қараша аудан әкімі бізге кедергі келтіріп отыр деп ашынады. Толығырақ жұрттың талап-тілегін өңірдегі әріптесім тыңдап келді.
- Қойды қораға қамайды ғой. Халықты да үйіне сөйтіп қамайды да, таңертең жұмысқа шығарады, кешке үйіне келіп қамалады. Болды, сол басқа аузын ашып сөйлей алмайды. Айта алмайды да. Бұл ауыл сондай болды.
АБАЙ НҰРЖАНҰЛЫ, тілші:
- Жер үлестеріне қол жеткізе алмай жүрген ІІІ Интернационал ауылының тұрғындары наразылыққа шықты. Айтуларынша “Достық жер МК” қожалығына үш жыл бұрын төраға келгелі халықтың жағдайы қиындаған. Басшы күріштен түскен пайдамен өз жақындарын ғана жарылқайды деп жұрт ашулы. Оның үстіне ала жаздай тер төккен егіншілерге соңғы айлардың жалақысы да төленбеген көрінеді.
АҚШАГҮЛ СОЗАҚБАЕВА, үлескер:
- Мынадай адамның құқығын жерге таптайтын бастықтарды көрген жоқпын. Өзінің туыстарына ғана құрмет көрсетеді. Басқалар әйтеуір бір сиырды ұстауға халіміз жоқ қазір. Дивиденд дегенді көрген жоқпыз.
200-ден астам үлескер өздеріне тиесілі мыңнан астам гектар алқапты қайтарып алу үшін заңдылыққа сәйкес барлық құжаттарын рәсімдеп қойған. Енді тек аудан әкімі жерді бөліп беру туралы қаулы шығару керек. Алайда шенеунік бұл мәселені созбалаңға салып келеді дейді көпшілік.
АЛТАЙ МҰСАХАНОВ, үлескер:
- Қазір енді біздің жерді бөліп алу туралы аудан әкімінде тұр. Бірақ аудан әкіміне барсақ төрағаға бар дейді. Төраға инвесторға жібереді. Инвестор облысқа жібереді. Облыс қайтадан аудан деп халық кәдімгі футбольный доп болды. Біз түбіне жете алмай жатырмыз.
Ал жауаптылар құжаттарды егжей-тегжейлі тексеріп жатқандарын айтып қысқа қайырды.
ӘСЕТ ОМАРОВ, Қармақшы аудандық ауыл шаруашылығы және жер қатынастары бөлімінің басшысы:
- Басшылық тарапынан шаруашылық төрағаларын шақырып сөйлестірдік. Енді ол жақтың “Достық жер МК” шаруашылығының келісім парағы керек. Бұл жағдай бізде бақылауда тұр. Құзырлы органдардың бақылауында тұр енді. Ол жерде ешқандай мәселе болады деп ойламаймыз. Бізде 19-қарашаға дейін заңдылық мерзіміміз бар.
Үлескерлер аудан басшылары жерімізді қайтармас үшін әр нәрсені сылтау етіп отыр деп күдіктенеді. Өйткені шенеуніктер "үлестеріңді аласыңдар" деген былтырғы уәдесі де орындалмады дейді. Ал, қожалық басшысы сұхбат беруге құлық танытпады.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық