Қызылорда іргесіндегі саяжай тұрғындары шенеуніктерді қыспаққа алды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Қызылорда іргесіндегі саяжай тұрғындары шенеуніктерді қыспаққа алды. Өйткені екі жыл бұрын басталған елдімекенді газдандыру жұмысы толық аяқталамаған екен. Көпшілік бұл жергілікті биліктің мәселемізге немқұрайлы қарағанының кесірі дейді. Ал бастаған ісі жарты жолда қалған әкімдіктегілер “қазынада қаражат жоқ” деп ашулы тұрғындарға ақталумен болды.
АБАЙ НҰРЖАНҰЛЫ, тілші:
- Сабалақ саяжайындағы 5 мыңнан астам тұрғынның көрген күні осы. Қала іргесінде тұрса да қаншама жылдан бері осылай отын жарып, көмір тасумен әуреленеді. Жұрт елдімекенге көгілдір отынның қосылғанын күте-күте шаршадық дейді.
Уәде бердіңіздер. Енді тағы уәде беріп тұрсыздар. Ертең екі айдан кейін тағы жиналыс жасаймыз, тағы уәде бересіздер.
Бүгін табиғи газды сарыла күткен қарашаның арызын тыңдауға қала әкімдігінен бір топ басшы келген. Бірақ бірден ашуға булыққан көпшілік алдауға көнбейтіндерін, бос сөзге сенбейтіндерін айтты. Олар көгілдір отын тарту жұмыстары тым ұзаққа созылып кетті деп күйінеді.
ГҮЛСӘНІМ ӘУКЕНОВА, саяжай тұрғыны:
- Менің жасым 65-те. Маған отын бұтау, көмір әкелу қиын. Көмірдің өзі қазір 21 мың 500 теңге. Ол тағы күл көмір. Жанбайды. Қаланың іргесінде 4-ақ шақырым жерде тұрмыз біз. Қанша ауылға кірген газ. Сабалаққа келмеуі халықтың ашуын тудырып отыр.
Тұрғындардың айтуынша, жергілікті билік мемлекет қазынасын тиімді пайдалана алмағанның кесірінен құрылыс сағызша созылып келеді.
Ал әкімдік өкілдері саяжайға көгілдір отын тарту жобасының құны 3 миллиард теңге екенін жеткізді. Бүгінге дейін 500 миллион теңгеден астам ақша жұмсалған екен. Қаражаттың қалған бөлігін республикалық бюджеттен күтіп отырмыз деп сендірді.
ЖЕҢІСБЕК ФАЙЗУЛЛАЕВ, Қызылорда қалалық құрылыс бөлімінің басшысы:
- Біз 24-і жылы министрлікке өтініш бердік. 2025 жылы биыл да өткіздік уточнениеге беріп жатырмыз. Бізде қаржы әлі бөлінген жоқ. Қаржы мамыр айында бөлінсе, биыл жұмыстарды 100 пайыз аяқталатын болады.
Бірақ атқамінерлердің жауабына бұқара қанағаттанбады. Олар облыс әкімі Нұрлыбек Нәлібаевтың тікелей өзіне жанайқайымызды жеткіземіз деп тарқасты.
------------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық